Ловонь   кирьдема

Шинясь кяшевсь Галош рощать фталу, Апак фатяк полафтозя ковсь. Сетьмось венельсь кашт аф моли, ару, Ловонь блесткат мишенць цят марозсь. Менельть эзга Велеть вельхксса, вяря, Уенць оцю шама Шарам ковсь. Комсомолхне Пуромсь Митянь Пяля ётафцть пуромкс, — кода кирьдемс ловсь. Пуромксть эса корхтась секретарьсна — Пинксь ни ётни, Малачни тундась, Мезе аф тиемс; Лисемс тейнек сязьфкста, Вишкста уйфтемс Ловонь кирьдемась. Ванды тейнек Рана зарянь шовор, каймя мархта Паксяв лисема. Сявомс тейнек Прянеконь эсь коморс, Сязьфкснень каршес — — Азомс тюрема. Фкя-фкянь ётазь Ялгань фкя-фкянь терьдезь, Саттам оцю Большевистскай сатфкст. Тячи астам Штурма ловонь кирьдезь, Ванды няфттям, Большевиконь няфтьфкст. Нингя шобдаль Шиськя ашезь стякшня, Аньцек тяса, Тоса цифторцт толхт, — Тарксезь горняй Вайгяльснон атёкшне, Ульцянь кива кенорцть комсомолхт. Лафту пряваст, Сембонь оцю каймот, Мяльсна сембонь кода и ифкять. Машфтомс сязьфксть Аф пелезь кепотьф ваймот, Вельфтемс планть Работамс шить и веть. Ускокс таргавсь кели гатнень ланга. Налхконцть кятня Одонь, — комсомолнь. Ниленькемонь ломань ифкя фланга, Фкя-фкянь ётазь Пуропцть марнят ловнь. Ётнесть частня, ётнесть пяк удалазь, Лакась сембонь Тевса оцю мяльсь Апак пеленть Кепотьф оцю мяльса, Комсомолонь стаясь Тевса вишкста кяльсь. Бригадирхне Якасть латцесть тевти, Дригась вишкста Пишкоць — шумордамс! Астам вишкя Тюрема ся мяльти Кона ёрай сяземода планть. Кайгонцть валхня Вармась эсост шорясь, Дуця пакшнень Ифкя шири паньць. Горнясь одонь комсомолонь морось, Пяшкотьф сядос Ловонь кирдем планць. А тундаста, Тага тяса келес, кармахть тракторхт Увфса сокама, Ваяй роснень потмос оцю велесь, урожайтькса Астам тюрема.

1933  к.