И. ЧУДАЙКИН
	Кочкома

Шись изь лисенть куваць Вирнять фталда, Велеть песа Постуфсь Локшонц менорц. Авань стаясь уськокс Таргавсь флангса, Паксянь кива Вирьнять шири кенорцть. Акша мацикс сембе Уленцть акшот, Бригадирсна уленць Синне Алда. Мяльсна сембень уленць нюрьхкя сяка: Арамс тюрикс Кочкоматнень ланга. А кись таргавсь локшокс И пяк видя, Жарав велесь лядонць ваязь фталу, Вов и паксясь Келунь вирьскя Сидя, — Пшкяць Алдась: — Тевти ават. — Алу! Минь задачась Ащи тяй Сянь ланкса, Штоба тя вов ланкть Шумордамс шиста шумордасаськ! Ульхтям казьфт минь тянкса, — Ну, кундатам Тевти сяда вишкста. Тя камандась уленць Кода фкянди, Фкя-фкять ётазь Тевса Вишкста кяленцть кочкаф сурось лядонц кода сенди, Шинять стямос шумордакшнезь пяленц. Тяни, ялгат Дайте Горьфцаськ мороть, Вирнять колга Страфцаськ Паксять келес. Сяда сери, Кадок касы сурось, сяда озай колхозниконь мялесь. Тяфта ётнесть частня Темпнень инкса, — урожайтькса, — Пингонь кирьфтемать, Курок шуморьсь кочкомасна, шинкса, Цебярь ширенкса Азсаськ Тюремать. Тяння инкса Алдась — и бригадац, Сатнезь тевса фкя Инь пара васть. Алдать кяца ульсь Почетнай гагоць, А бригадац сембе казнет щасть.

1933  к.