Ударник трактористти
	Ударник трактористти комсомолецти Никифор Казинтти, казьса

Аф пелезь, тон Ялгай, работать Микиша, Аф пелезь тон Шарфнить Тракторонь рульть. Сембе тя пинкста Тон ваймять Фкя шишка, Инголи моликс Тон тянингя Ульхть. Аф сизезь тон Сокать, Аф сизезь видеть Макссеф тейть Платтне ударнайтта Тийфт, Путыть тон Тоза, Мзяра ульсь Вийдет Мельгат ударнайста Мольс коллективсь. Тон соксекшнеть Содуста, тракторце Морась, Лишь пейнятне Пиндолцть сиякс. Кулактне тейть Корхтасть... — Паролеть цёрась, Но тяни тон Арать лиякс. Аф лотксезь Кулакненьгя каршес Тон тюреть Машфтоть, и Машфтоть тон Эсост фкакс. Сабляда оржаста эхярь Теест улеть, А валхне керьсесть Оржа пилакс. Гайнекшнесь мороце Паксятнень Келес „Кшнинь айгорце“ Мархтот бувнась, Куленчневсть Валнятне кайгиста Велес Расаста, мянь Омбоце расас. Аф пелезь, тон Ялгай, работать — Микишка, Аф пелезь тон Шарфнить Тракторонь рульть, Сембя тя пинкста Тон ваймять Фкя шишка, Инголи моликс Тон тянингя Ульхть.