Шись рахай

Шись кургонь Келеса рахай. Тюжя толса Масторсь кирьвязсь. Кудряв ушторсь Шить ала Аф лакай, Няемс, танга, Ули опана илядць. Кить кувалмова Крандасня торайхть. Паксява налхки Ударниконь вий. Самкс ляй ширеса Ударницат морайхть, Моронь вайгяльсна Жалнафцазь вирть. Паксять келеса Бригадатня келемсть, Вишкя атямкс Комбайнась увнай. Тячи тяста Аф васьфцак пелемть Тячи тракторсь — ‎нуй, ‎ляди, ‎сокай, ‎инзай. Тячи паксява Аф няевихть межат. Тифтень ломань Костонга аф муят. Соцбригадатня Росненди ведявсть Вай, ялганят, Шит-вет Састь лият!