Исть козякадов...

Тияксть ланкса, озада и бока ланкса кулхцонцть колмонькемоньшка ломань. Кой-конат, курендакшнесть — козсть эсь тийф соду трубкаснон эзда.

Кели, акша шама аля, моркшть (шрать) ваксса азонць:

— Вов туйхть эйхне, кармай молема калонь кундама пинксь эста тевсь туй!..

— А, тяни мезе?... — Мезевок аш! Тялонь перьф тапамс пря цярат тийме, карьхцяме вете сядокша цалковай, и сяка. — А, цяратнень кигавок аф рамасыйнь!

Тяльмотневок, — ярмаксь инксост панф, а рамамать, — эздост киге аф рамай, ичкизи ильхтемозст, вагонга кодонга аф максыхть.

— „Тов-сей, кой-кинди, Михалочень мархта эсьтейнек, и артельть ярмаконзовок тозк, — лиссь трёшнеконь самс колмоньгемонь тёжятть цалковайсь.“

— Куфкстазь таргазя ваймонц и мельдень валонц аземода меле азсь. Бта пичедезь чипорясь шяв-толкс ащи сельмонзон и сёрмозе шаманц стане, бта афкукс мярьгат пичеди колмонь-гемонь тёжянь цалковайть инкса.

— Василь Ефимоч, а кинди стане артельть ярмакта, максеть „тов-сей?...“ — Кизефтезя шуфтонь Егоркась.

— Эстеень! — Кяжиста отвечась акша шамась, — конань Егоркась, лемдезя Василий Ефимовичкс.

Фкя ши якань Зубуву, — эрявсть колмокемонь вете цалковайхть, арнень Паронзав хреснекозень шири — комсь ветие цалковай, — Василь Ефимеч азондозя ков стане „тов-сей“ и сонць эрь ярмак лемонь азомста, кержи кяцтонза, видить эса, мяньди фкя сур.

Тяфтама карьхцтне, сон азонць мянь кемоньцке суронзон мянцема, а кодак мяньдевсь види кядень кулаконц керьшиста лядыкс суроц, сон венептезень кафцьке кулаконзон Егоркать бта шири, и сонць прянь комафнезь дразязе храмойть.

— „Вов кинди „тов-сей“! — А кда аф верондатад, — кулхцендода... — Таргась фкяшка цигарканди кагодне и лувозе:

Максф сонцень Щукин Василий Ефимычень эзда, сянь инкса, што мон афкукс, январь ковста, якань Зубуву, Зубуста, меки Ваду, Вадста, танга Зубуву, тоста, мянь Пичкиряеву, Пичкиряеваста Паронза ланга, видеста Польдязу, а Польдязста, илядь малати ардонь вов тяза — эсь кудозна. И сембе нят арнематень инкса, билет питнец 35 цалковайхть.

— Маряйть! — И монць эсь подпизсон и печацон кемокстае.

Тяшкава „видень“ колга корхтай „документть“ морафтомда меле, бта церьку пряста, лампать вельф варжаксць тияксова валяндакшнинь ланкс и офтонь кядь лапасонза, нардазе, пиндолды конянц.

Кятьфтема Михаил ате дивандась сянь ланкс, кода сон ифке шиста кенерьшнесь арнемс колма сядошка вайгяльпеть?...

„Да, мон вдь аф ланга, а машинаса...“

— А кодама машинаса, ардоть Паронзать лангса Польдязу?

Тянди отведа ашель кода максомс, стряндась Василий Ефимыч, што сон шорявсь и „документти“ тялькфтазе тяньчка эльбятьксть. Афкукс, Пичкиряеваста Паронзав кодамовок машина ки аш!

— Тинь цёрат норада, тевсь стак и ащи, — якамс вдь эрявсь? эрявсь! — сядонга эчкста кизефтеманцты сонць отвечась. — А ярмакт, — эрявсть? — Эрявст! Вов, поэтому и тяда переченда, коза изинь пант, а рас документ ули, — кивок аФ педеви!

Шуфтонь сярьхке Егоркась — аф нувайде, сон шарьхкоць, што Василь Ефимычень мялец ульсь васькафнемс, но шорявсь.

— Эди тяфта инвалид ялгат, — поладозе валонц „документть“ морафтыец, — вов курок туйхть эйхне артельнеськ тага козякады: мезе кундатама, — сянь митама!... Раматама сёра видьме и вицаськ моданеськонь.

Артельть 25-шка га модац, инь цебярь васца ульсть, аф ичкизе Паронзань паксяса, а тнаронь видемода мярьгонць обкоопинсоюзсь, кона лезць артельть козя шинь касфтомасост.

Видьме рамамать колга валсь, ётафнезень 30 тёжянь цалковайтькса сембонь кяжияф мяльснон, сембе арьсесть: калса, идесайнек: „тов-сей“ нолдаф ярмакнень!

Вада лайть эзда, 12—15 километрань кувалмоть, — сембеда козя калонь кундама васттнень, Зубунь РИК-сь максозень инвалидонь артельть полас.

Тянь инкса, тяни учихть эень солама пинкть и вишкста шадаветте меле, мяльсна кундамс калхнень, конатнень эса ащесть:

— 30 000 цалковайсна,           — видьмосна                     — и козя шисна!..

Ловда, тя валонда ульсь аф пяк лама, конань штобу панемс Вада ляйти, шити, карьхцямс лямбода савсь ёфси кржа.

Бта станяк эрявсь; Вадось кеподезень лафтуда вельф мутна рдазу ведензон, и эсост тавадозне сембе лашма васттнень.

— Шадось сась!

Неватти тиевсь простор, калсь ушец куцема вери

— А, инвалитне, кода учсть и нинге станя-жа учихть... Калонь кундама синь исть лисев, сяс, мес Василий Ефимыч, калон кундаматнень... Мизне!

Сон мусь сяда козя ломатть. Паронза велень, нинге сире пингонь калонь кунцы — Осятнень, конатнень мархта, сувась полас соньцке.

„Верва“¹, — утору Василий Ефимыч, эсь ирьванцты канць колмошка пуд сиякс ащи кели льошкат и пила-пей щуканят, эди поренди...! сядонга пяк келеми и акшоми шамац... Якстерьгочнить сялдазсонза!..

— Сембе-сяка инвалитне сембе аф андовихть, а мон эсь прязнь козякафца! Ся ули сяда цебярь — рахась, кода сюфтем-шамац, корхтай ирьванцты Василий Ефимыч — инвалидонь артельть председателец.

Вов тяфта Вада-Велеземнь инвалидонь артельт карьхцяф 30 000 цалковаец, и тяфта кулак, ашунь шави Щукинц, няфтезень правительствать ширьде максф лезкснень, войнань и лия васца тийф ашу-инвалитненди.

Инвалитня пачфцть куля тяннь колга прокурорти, и Щукинц улсь арестовандаф и сёлкф вастроку. Сонь лангсонза курок ули суд.

---

^{1 Верва-утору: под вербное воскресенье.}