| Кафта розь паксят, автор: Пинясов Я. М. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 64—66 | |
| << Тихон цёранясь << | >> Кастам >> |
КАФТА РОЗЬ ПАКСЯТ
Кели паксяса, Колхознь розть ваксса Касы осал розь, Тишя потмоса. Люкай шужярьняц, Кода шяярня,- Аш соннь прясонза Цебярь видьмоня. Ащи да ризнай, Олькси-аварьди, Шава прянц эса Тов-сей комафни. Розьнясь ольксезня Азорнц пеняцяй: Ватта монь эсон Кода сон муцяй... Колхознь розь пакясясь Ольксить кулезя. Пяля кяльняса Сон кизефтезя:— — Мес тон, розь ялга, Ольксят аварьдят, Сокай видицень Эса пеняцят?.. — Кода аф аварьдян, Кода аф пеняцян, Норак азонца Кода мон витьфан... Коськя кизосель, Ашельхть пиземнят, Аньцек велькссон ульсь Попонь цяфама... Алдон моданясь Сокаф сокаса, Тоза ёрдафан Ленгэнь кептерьста. Тянкса тишеса Ацаф юрозя, Долгакс леборьди. Шава прянязя. А тон, розь ялга, Кода сокафат?! Аф моннь кондяксон Модас ёрдафат... Тоннь вастоняцень Соказь тракторса Модас путодязь Кшнинь машинаса... Сянкса, розь алга, Юрця очконя, Лакай пряняця Роздя пяшксеня, Сянкса аварьдян, Сянкса мон ризнан. Мон тейть азыня Коданя витьфан. |
| 1931 к. |
| << Тихон цёранясь << | >> Кастам >> |
| «Кафта розь паксят», автор: Пинясов Я. М. // сборник Васень аськолкс. Мокшонь писательхнень сёрматфсна. — 1932. | |