| Тихон цёранясь, автор: Пинясов Я. М. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 62—64 | |
| << Паринань сокама (Е. Пьянзин) << | >> Кафта розь паксят >> |
Я. ПИНЯСОВ |
ТИХОН ЦЁРАНЯСЬ 1)
Кужоть фталга, Шяйхнень алга, Шуди сиянь Лундан вець, Лунданть тейса, Кальхнень ала Петрань Тихонтть Сафоль пец. Шамац тапафоль Кирьпицса, Ёрдаф кальти Копонц ланкс, Кяднза шокшфтольхть Жольняй веца, Пиндолць тяштекс Щамса панкссь. * * * Исьцень кельк Козятнень Тихонць, Ашунь пуромксста Сон сась. Куду молемста Лунданть ширева Коня пакарьс Сон врхчатьф. * * * Куваць Тихононь Куду изезь ту; Кальнятнень алда Кувать изезь му. Тоса мамац мольсь Панарнь муськома, Сумань палнянц Ёразя ускома. Цютькя ускозя Сумань паланянц, Эзкак лятфтазя, Тихон цёранянц. Кармась ёряма Лангань дёрнанзон, Ёразнь варжама Панарь ожянзон. „Аф ли тон, идняй, Мази марьнязя Аф ли тон, Тихэн, Тяза калмафат? Мамац варжазя Види ожянянц, Ведняса штазя, Пяндра шаманянц. Куду азозя. Ласьксть соннь ялганза, Пуромсть раднянза. Тихонть мамац Ризфа аварьгаць. .............. „Дят, аварть, щакай, Тевоц тейнек ляць, Минь соннь ялганза, Сембя ашуфтам, Ня кулакненди Пес аф шавовфтам. Минь соннь мялензон Аф юкстасайнек. Песта омба пес Марса вяцайнек, Кулакть юронзон Марнек сязьсайнек, Трудяй-сокайхнень Колхозс сявсайнек. |
| 1931 к. |
| 1) Петрань Тихонц сявф услознайста.↩ |
| << Паринань сокама (Е. Пьянзин) << | >> Кафта розь паксят >> |
| «Тихон цёранясь», автор: Пинясов Я. М. // сборник Васень аськолкс. Мокшонь писательхнень сёрматфсна. — 1932. | |