Фкя-фкянь ётазь, автор: Чумаков И. Ф. // сборник Васень аськолкс; 1932. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 40—43

<< Бороздать васенця шиц << >> Пяшкодесть сядос! >>
ФКЯ — ФКЯНЬ ЁТАЗЬ

Паксять эзда
Лебонць суфць,
Тол — мар лаца
Шинясь ванць,
Оцю путьксса
Путькоць шуфць,
Лямбя кожфкя
Вармась канць.
— Аш месть учсемс:
Пинкня састь.
(Тяфта корхтась
„Валда янць“).
„Якстерь марсста“
Ласьксь Дригась,
Од кулянят
Тейнек канць.
„Валда Янтти“
Пуромкс тийфць,
Тоса корхтась
Аф куваць,
Зепонц эзда
Кагод лифць, —
Кулхцонт пуромкс, —
(Сон юваць):
— Явофтада
Тинь бригадас,
Сдельщинати
Тевть пуцасть;
Сокамать, видемать
Тинь ладясть,
Тевса сатфксть
Газец кучсасть!
Фкя — фкянь ётазь
Паксяв лисезь,
Пяшкоцаськ минь
Тундань плантть,
Бригадиркс пуцаськ
Анисемть,
Паксянь оцюнякс
Ивантть.
Тинь „Марсть“ мархта
Фкя — фкянь ётазь,
Тевть ударнайста
Пуцасть,
Вишкста, марса
Тинь работазь,
Паксять курокста
Вицасть.

* * *
Апрель ковста,
Комсця шиня,
Рахазь ванонць
Якстерь шись,
Межась кода
Сиря пиня,
Тракторсь сокась,
Мороц кштись.
Алашатня
Сембя сокайхть,
Лездыхть тейнек:
„Валдаянтти“.
Тракторть мархта
Вишкста покайхть;
Синь ударникт
Тундань плантти.
Кшнинь инзамась
кода пеель,
Кярятть мельга
Якай фкакс,
Межась эвоньф,
Кода сеель,
Межась синнеф
Тийф лиякс.

* * *
Сокафть эзга
Пезфтафт сурсна
Видема
Машинатнень,
Паксять эса
Видихть курок, —
Чижолфць модась
Шинатнень.
Модась сеентьф
Сюрьхцемняса,
Бороздась фкя
Паксять эса,
Тарксеф... Тарксеф...
В-и-д-е-н-я-с-т-а,
Межась аварць
Паксять песа.
шумордафтольхть
Видематня
(Башка эряйсь
Нингя виць),
Ацавсть пижеста
Уматня, —
Сирець!
Башка кись!
<< Бороздать васенця шиц << >> Пяшкодесть сядос! >>
«Фкя-фкянь ётазь», автор: Чумаков И. Ф. // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.08.21
На главную