| Фкя фкя йотазь // сборник Одонь вайгяль; автор: Макулов Л. Ф.; 1931. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 21—23 |
|
| << Аксю << | >> Кели паксяса >> |
|
Сиякс пиндолць Лугань расась Лисемя лугав, Эрька, ялгат, Кафту явсаськ, Вов те кота гать. Сембонь кяца Кемоста ащихть Пеелепнень лац, — Чохи!, чохи! Чохи! — вяшконць Лугать эса стальсь. — Айда цьорат Од ударникть, — Пеешкоць Игась, — Штоба иляц Кемоньнек марнек Лядемс кота гась. Ляцаськ! Ляцаськ! — Игань каршос Пеелепне мярьксть, Вию кяттне Кемоста кирьдезь Алга тишеть кярьсть. Омба шире. Башка эряйхть Пайнень-пайнень лецть, Ваймам шовор Рахсезь тейнек Тяфтаня пшкяцть: — Тинь, колхозса, А минь башка Ледентяма фкакс. Тиньгя кяца Вов минь лацонк Покаттяда фкакс. А машинась Мес аф ляди? Али виец. Машць? А сянь шовор Сталень айгорсь Колхозть эзда сась, Вов, — и тяса. Башка эряйть Йофси валоц машць. * * * Кулхцонтаськя Башка эряй! Пеешкоць Иигась. Минь колхозса Виенькя ули Сембя тевть тисаськ. Лама вийса Аф фкя лаца Ледтяма лугать. Коса тракторсь Ледьмать ускси Леди, анцек вант. Коса кяца Ледтям марса, — Кисонк аяш пантт. Йордайть прястот Кулаконь. Мяльхнень, Ялгай, Елисей! — А пажалы Виде валце Бригадир Ига,! Тон кунара Эздонк туть — ни Колхозонь кига. А Ига ялганзон мархта Фкя фкянь Пялькстозь ляцть. Лядезь-лядезь Кота гатьнень Кемонест иляц. — Чохи! — чохи! — Чохи! — вяшконць Лугать эса стальсь. Аайда, цьорат, Од ударникть Пеешкоць Игась. Пиндол-вандол Лафту прясост Пеелемснон канцть Кайги мора Ледьма лангонь Эрекста ювацть. |
1931 г. |
| << Аксю << | >> Кели паксяса >> |
| Сборник Одонь вайгяль; автор: Макулов Л. Ф.; 1933. | |