Наянна // сборник Монь вайгелем; автор: Илька Морыця; 1931, сентябрь. Мордовская библиотека
Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 30—31

<< Макар Евсеич << >> Мазый моро марядоя >>
НАЯННА
Морак, морак, поладый*)
Морак мазый моро!
Маней чись лаки-лады
Колхозникнень маро.

Колхойс совасть од тейтерь,
Маней чинть ладсо од;
Наяннань каршо пейди
Кемнилиеце год.

Паксясонть арасть межат,
Сокийсь а мери — „ой”...
Каить модантень тюжа —
Касови золотой.

Уи келеде келес
А „чики-чики” — пой,
Саи артелень боесь,
Оля чинь пинге кой.

Дрига, Маша ды Миша, —
Ниле раз вете—комсь...
Пизементь кирди крыша,
Пивсэме тыщать промсть.

Наяннань прясо цеця,
Вете уголсо тешть.
Бригаданть эйсэ вети,
Слава канды и честь.

Розесь а чуди — уи,
Оровт кепедить покшт;
Ветесь нилесэ лии,
Касыть велень-чис ошт.

Паксясь неи и саи
Коммунань вийсэ тев.
Ламо кирди ды каи
Од пингень вети прев.

Маней чись мельсэ терди...
Коммунав моли вий;
Колхойс совась од тейтерь,
Наянна-Маней чи.
Сентябрь, 1931 ие.


*) Поладый — поэт.
<< Макар Евсеич << >> Мазый моро марядоя >>
Сборник Монь вайгелем; автор: Илька Морыця; 1935.

Последнее обновление страницы: 2016.03.23
На главную