| Розь нуима, автор: Кучаев Д. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 163 | |
| << Маша партизан (А. Пятайкин) << | >> Кизэнь вармине (Н. Филиппов) >> |
|
Д. КУЧАЕВ
РОЗЬ НУИМА Нуваргацть, сюкунясть рознетне. Луказдовсть ведь лацо варматне. Колоскесь колозос цюкадевсь — Сявтнесэ каштордовсь, укстазевсь. Сась авкась тарвайсэ нумонзо Кавт рядга ланкс-ланцек путмонзо. Кичкерьгаць каль чирькекс авинесь — От нуи, цюр, капши патинесь. Вить кецэ тарваззо вешкеви, Омбосо керш ёнов пулт каи. Ливеськаць киськезэ кедезэ, Зыйнезевсть кедензэ пильгензэ; Эзь сода аштима, оймамо, Ве минутс ютко-шкань нолдамо. Чизэ валксь, мастор крайс токатець. Уряшкань сэрезэ витетець. Тупордозь, тапордозь кудов сась. Пакшанзо эйзэнзэ керьмандасть. ★
|