А. ПЯТАЙКИН МАША ПАРТИЗАН. (Морамс „Кирпичикне“ лацо) Ташто велесэ, веле пенесэ, Бедной семияс тозонь шачинь, Пурназь сускомсо, равжо кшинесэ, Тетям-авам тосо кастымизь. Топоцть вейксэтне, тукшнось кеменце — Весемезэ монь ансяк ийнем — Сюпав ломаннень, кежей кисканень, Эйдь ваномо авам максымем. А питне ладясь, а ярмак редясь — Пекем кисэ ансяк кадымем. И колмо пакшат, колмо кольневкскеть, Чинек-венек эйсэст ванылинь. Ютасть иетне, чудесть чинетне, Кемсисьмее иес мон касынь — Ламо сёлнума, ламо чавума Ломань кецэ ланксон мон кандынь. Вот се шкане мон туинь покш ошов, Ды боярнэнь стряпкакс сивединь. Тостояк мейле туинь заводов — Углянь кантлеме тосо карминь. Апек кувать мон тосо робутынь Содазь ломать знярыя ульнесть... Мон школав якинь, сёрмас тонадынь, Карминь парсте содамо тевтнень. Ютасть иетне, чудесть чинетне — Революция мейле теевсь, Кепецть робочейть чавизь азоронть, Партизанокс ламо орголесть. И монгак сестэ отряц сёрмацтынь, Кузнецкоень тайгав туинек — Ашо бандатнэнь, сюпав кулакнэнь Пек тапамо эйсэст карминек. Кода лоткась уш гражданской войнась, Таго мекев завоц проминек Ды пек виевстэ, ды пек бойкасто, Роботамо тосо карминек. ★