| Трактор ды цёков // сборник Пурьгинень зэрть; автор: Артур Моро; 1929, декабрь. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 32—33 | |
| << А тандаттано << | >> Эзить арьсе, нать, седе >> |
|
Вирь пулосо, лей чиресэ Цёковнэ моры. Келей пакся куншкинесэ Тракторось зэрни. Цёков моры, либоргали Вирь пулонь тештекс. Нужанть ланксо ацирьгали Трактор пургинекс. Цёков соды вейке моро „Ци-лю-лю-лю-лю!..” Тракторось а кирди коро, — Ды нужась — улю!.. Цёковось видима шкасто Цецясо гайги; Тракторось айгоркс лугасто Паксяванть айги. Ванодо тень эйстэ, ялгат, Ки седе паро? Гайнека Масторонть ланга Од пингень моро. |
| Декабрь. 1929 ие. |
| << А тандаттано << | >> Эзить арьсе, нать, седе >> |
| Сборник Пурьгинень зэрть; автор: Артур Моро; 1931. | |