| Минь ливтятано! // сборник Моронть ушотксозо; автор: Вечканов, С. Е.; 1933. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 36—37 |
|
| << Моро << | >> Маяковской поэтэнть марто кортамо >> |
|
Шарокс, Шарокс Кеверсь чись Виренть удалов. Ловос Ваязь Сур велесь Кадовсь пандалов. Розовойгаць Чи валгомась Кода васоло... Пакшатнесэ вельтявсь Пандось, Вай, вальгейть зяро! Чикорды Январень ловось Лыжатнень ало. Чаматнень ланксо палытолось Палы — а якшамо! — Ливтяк! — Ливтяк! — Мон апран!!.. — Вальгейтне жойнить. — Ды мон А пран! Нармуннекс ливтить. — Бригадасонть Минек Прыцят Вейкеяк арась, — Минь кираксницят, Минь а прыцят! — Ды минек арасть! Свежа, Свежа Менелесь. Валовсь тусто сэнь. Лаки Налксиця Вересь. Эх, пионерэнь! Чикорды Январень Ловось. Лыжатнень ало Жойни Эйдетнень Морось: — Минь ливтятано! |
1933 ие |
| << Моро << | >> Маяковской поэтэнть марто кортамо >> |
| Сборник Моронть ушотксозо; автор: Вечканов, С. Е.; 1933. | |