| Аэроплан // сборник Моронть ушотксозо; автор: Вечканов, С. Е.; 1932. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 32—33 |
|
| << Телень ве << | >> Моро >> |
|
Верьга, верьга Сэнь менельга Ливтят, ливтят, Морат, морат. Неяват... Зепезэнь кельгат, Кода истя, Кода а прат? Пропеллерэть Вели, вели, Моронтень максозь Менелесь. Нармутне Тондедеть пелить; Пели Сорны менелесь. Сталень нармунь Пек эряват, Тон миненек Паро ялга. Бути война Токи пряват... Иля ливтя Сестэ алга. Верьга, верьга, Сэнь менельга, Ливтят, ливтят, Морот, морат... Неяват... Зепезэнь кельгат, Содан, содан, Мекс тон а прат. Сталень нармунь Ливтяк, ливтяка, Тонеть максозь Сэнь менелесь. Минь кирдтяно Тонь а стяко... Ванст оштнэнь Ды колхоз веленть. |
1932 ие. |
| << Телень ве << | >> Моро >> |
| Сборник Моронть ушотксозо; автор: Вечканов, С. Е.; 1933. | |