| Туволевкст // сборник Моронть ушотксозо; автор: Вечканов, С. Е.; 1933. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 20—22 |
|
| << Какинань ялгатненень << | >> Колхозницань моро >> |
|
Зняро икелен Туволевкст! Тундонь од чись Эйсэст лаки! Удыця аватнень Мадезь потить, Потетнень эйс Ряд поволевсть. Од чинь даволось Зняро, зняро! А стяко сынст туртов Максозь тундось — Кода сыненст Моро аморамо? Содавиця чинентень Ускови судось... Сынст вечкимам Сыргавтни седеем, Сынст кувалт Тошнам явавса. Ды мекев, Мекев мелем.... Дайте оно сень... Паласа! Чевте кеднест Валозь сиясо, Нать секс Щупамост а мерить. Сынь ней эрить Покш семиясо. Ловонь покольнекс Налксемстэ кеверить. Шумбрат, шумбрат, Туволевкскеть, Сыненст максозь Колхозонь ки. Бойка, бойка, — Касыть сынь, Од тейтерь Олда — Мельгаст яки. Колхозницась Олда — Эри комсомолсо. Ах, мазы мазы.... Истямо паро... Пейдезь палы Од эрямонь толсо; А стяко аравтозь Сынст кастамо. Вана косо Лакиця эрямось! Ды истя мелем Мартост налксемс... Сынст лацо Эйдекс пеедемс... Тыненк, ялгат, Казезь те марось; Касодо вечкимат, Касодо бойкасто, Тыньгак пятилеткатнень Пелькст. Монь а мелем туемс Тынк ваксто... Зняро икелень Колхозонь туволевкст!.... |
1933 ие. |
| << Какинань ялгатненень << | >> Колхозницань моро >> |
| Сборник Моронть ушотксозо; автор: Вечканов, С. Е.; 1933. | |