| Весь сэтьме // сборник Моронть ушотксозо; автор: Вечканов, С. Е.; 1933. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 7—10 |
|
| << Симдяк монь << | >> Молян килеень аллеява >> |
|
Весь Сэтьме, Сэтьме, Сэтьме, Ашо галакс Уи ковось. Бабам уды. Ансяк палыть Монь сельтне, Ды Умарь пиресэ Моры цековось. Морак, Морак Цеков ялгай., Остаткадо Кунсолотан тонть. Валцке туян, Туян Саранов. Виевстэ, Виевстэ Валт моронть. Седейсэн монь Ламо лембе! Вай, Цеков, Паро ялгай!.. Монь Кенярксонтень Арась пе... Седейсэнь Сэнь май. Саран, Саран! Атукшнат мельстэнь. Те вестэнть Аудован мон. Вальмава Пейди Ковось Велькссэнь... Истямо Ковонть Вечксызь морон. Сон Валдомты Пазавань Уголонть, Косо Ванстови Тараканонь Стада. Монень Эсть мерьне Стувнемензэ Уголонть, Кармавсть Чекамо Пульзядо, Стядо. Неса, Неса „Серафименть,” Вирьсэ Кошкседе Овто анды. Бабам кармавсь Евтамонзо „КИМ-нть, Мартонь Пазавине Саемс ванды. Арась, Арась „Пазонь” бабине; Пазтомо Мон Ошов туян. А эряви Монень Кадозь кинеть, Корабля ланксо Тов уян. Варштак, Варштак Ловажав Бабинем, Тонгак Вейсэ Мартон уят. Акувать Кадовсь Уемс Бабинем, Валдо эрямо Тонгак неят. |
| << Симдяк монь << | >> Молян килеень аллеява >> |
| Сборник Моронть ушотксозо; автор: Вечканов, С. Е.; 1933. | |