| Токнок, Испаниянь седей! // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 35—37 |
|
| << Садовник << | >> Авай дружинатнень лангс вант >> |
| ||
|
Токнок, токнок, Испаниянь седей, Кирвазть, Мадрид, Толпандятнень мештеват. А новоли Олянь кандозь кеденк, Вийденк пиратось Ай аштеви. Токнок, токнок Трудицянь пси седей! Саты, наксалиде Сельведьсэ, Рунгонк лангсто Эзь сайневкшне локшось. Саты, пингеть Лепштясть вериязь кедьсэст: Зяро сазорт, тетят Сталмодонзо пракшность! Врагонть арась А седей, а марявкс. Потстост нолдыть Модань мештентень ядост. Мезекс сыненст Эйкакшкетне эрявсть Калекакс Ды урозокс кадомс? Пандомс тень кис! Оштнэ мартост велеть Весе совасть Омбоце ине буряс. Икелев весе! Тунь апак пеле — Мартонк аванк — Вечкевикс Ибаррури! О, тон, Вампир, Зяро кувалмат верь... Мейсы пандсак Валозенть чумовтомо?... Нейсак, зяро Знамятнеде якстердсть — Те тонь допрок Моданть лангсто маштомо... Тявнок зярс, Народонь пеедстиця, Киштек вериязь Палачонь панарсо. Тон тонсь ульнить Ине толонь теицякс, Тонстеть сави резэмс Секе пожарсонть, Саты тонеть Эрямо те чисэ, А велявтомс Пирсэ эрямо кись. Модантеньгак, Верев теветь кисэ, Вселеннойде кармась Кирдемат визькс. Токнок, токнок, Испаниянь седей, Лыйневть, Мадрид, Флагонь толтнэнь мештеват. А новоли Олянь кандозь, кеденк. Вийденк пиратось Ай аштеви! | ||
| 1936 ие. |
| << Садовник << | >> Авай дружинатнень лангс вант >> |
| Сборник Васень цвет; автор: Прончатов, И. Н.; 1939. | |