| Моро // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 10—12 |
|
| << Весь солы << | >> Валскень валдось >> |
|
Валске рана, рана, Вень чопудань срадозь, Зярдо гуликс сэнесь Валги паксянть мештьс, Минь вейсэ мольдяно Зоряс ваязь садов, Косо цековт нурязь Тарад лангсо вешксть. Кода се саднэстэнть Ильтян васов, васов. Кадык весёласто Нармуньтьне морыть! Кисэть умаринат Цецяс комить прясост, Прок тештеть меньгеват Ашт цветэст прыть. Ды сэрей тикшева, Парсеень ведьмеде Ветяса теть ракшанть, Пурнавозь цецяс. Тон айгат паламон... Сювордасак кедем — Ледстнемс коморозот Пацине эцян. Кода се пациненть Викшния парсейсэ, Якстере теште юткс Тештия лемем. Сонзэ лангс ваномсто Иля стувто эйсэнь. Свал вечкимань толонть Седейсэть вельмевть. То ёндо душмантнэ Лангозонок эцить, Марясак копытат... Мельгаст стявтыть пуль... Секс ялгатнень ютксо Веседе васеньцекс Родинанть — кисэнек Прянек максозь ульть. Бути тосо понгат Верев коморозост — Кулок, но иля пель, — Ялгат илить мийть. Куть счасиянть кисэ Тон кадоват тозонь, Но славанть эйстэдеть Знамякс кандсызь ийть. Валске покш тикшева Парсеень ведьмеде Ветяса теть ракшанть, Ветяса кецязь. Паласамак турвас Цють пургить сельведень, Монь кудряв вечкимам, Монь маень цецям! |
| 1936 ие. |
| << Весь солы << | >> Валскень валдось >> |
| Сборник Васень цвет; автор: Прончатов, И. Н.; 1939. | |