| Вал — Владимир Маяковскайти // сборник Эряфсь панжи; автор: Пинясов Я. М.; 1933. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 61—63 |
|
| << Книгати << | >> Работак и тонафнек >> |
| |
|
Шись тячи Саворня, Саворня валксь. Саворня кепочни Ковське. Дуцясь зарянь лентат Тарксесь И палсь, Кулось Горлан Маяковскайсь .................... Лампатне вяре Ингольцекс Палсть, Ащихть аф шерьхкиста Ласне. Жойнясь нароца Писателень Залсь, Да гамнасть Прощандама Валхне. „Кулоть главарь, Скуловорот Большевик! Сргозьфнеть Моросот масторть. Эрь валце тонь ульсь Трудяень кяца штык, Конань тон Эрямстот Максоть! Эрь валце Тонь Вракнень, пилеснон Панць! Знамянь канды Ульсь кятця, Рифмофкаця Вяридонга, Вяри Пря канць Ступеньканди Арсесь Куплетце!” Колька Асеев, Комаф сонь Фталонза Оржаста ваны Зон знамятнень Ланкс. Ендолонь стрелакс лиенцть Куркркстонза Валонза, Штоба аф кадомс Володянь Рифманц, Штоба соньге формац Ступеньканди Улель, Кода и ульсь Маяковскай Большевикть, Штоба эрь валоц Отть инкса Тюрель, Эрь валоц трудяень кяца Улель ба штык. |
| << Книгати << | >> Работак и тонафнек >> |
| Сборник Эряфсь панжи; автор: Пинясов Я. М.; 1933. | |