| Пинемть валоц // сборник Эряфсь панжи; автор: Пинясов Я. М.; 1933. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 43—44 |
|
| << Илядень зарява << | >> Лядемста >> |
|
Уфай варманясь, Савор сетьмоста. Молян кинява, Паксяв видеста. Молян варжасайнь Марстонь сьоротнень, Конатнень видеськ. Минь — од цьоратне. Коса гайнякшнесть Кайш моронек, Кшнинь видемасонок. Видевсть сьоронек. Тунда минь тяса Сянкса тюремя, Фкяфкянь йотаекс Сембе улемя. Молян — инголен Комай пинемнясь, Тьйня лентанякс Лаказевсь кинясь. Шумбрат тон, пинем? Коданя эрят? Кода стратф пряцень Эса пяшкодят? Пинемсь жольнязевсь, Кода вець калда, Зернанц лифтезе Сиянь ювть алда. Комась каршезон Оцю пря пинемсь, Сяда сериста Вяри стязь венемсь. Комась кядезон Соння пяшкся пряц. Мондинь жольняськя Валнаса пшкяць: „Сембя пельде мон Тя кизонда тазан, Мельган якайхнень Зернаса казян”. |
| << Илядень зарява << | >> Лядемста >> |
| Сборник Эряфсь панжи; автор: Пинясов Я. М.; 1933. | |