| Ков валца // сборник Эряфсь панжи; автор: Пинясов Я. М.; 1932, июнь. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 28—30 |
|
| << Кузьнецяса << | >> Коммунист, тракторть ланкса >> |
|
Цифторцть менельть Эса тяшттне, Пиндолць алува, Расась. Паксять келес Тракторонь мяшттне Атямонь вайгяльса Трнасть. Сокасть марстонь Парина пакся, Летьке пласттнень Серьцек шарфцть, Апак соксек Башка межать Сталень вийснон Ала тарфцть. Вирьнясь кели Паксять песа. Тракторонь сталмоти Трнай, Бта мярьгат, Башка межась, Мельдень моронзон Морай. Трактористтне гайфцазь Мороть, Нильня гайняй Вакссост вирьсь. Кота тракторхт Вете цьорат — Котцесь мархтост Маша стирьсь. Трактор вайгяльсь Кулеви келес, Мороть каршес Юваць вирьсь. Семань Машась Бригадирсь. Гайда, вишкста Молихть тефне, Платтнень пяшкоцайнек Вельф! Унайхть сокамста Лемехне, Ковнять каршос Максыхть цильф. Модань пласттне Мадыхть, мадыхть, Летьке моданясь Вжнай. Планнек мельденнекс Афлядыхть — Катк урямадаськя сай. Марянь кайги Мороц кулеви. Трактор морак, Пласттнень шарфтт. Колхозсонок сязьфкс Аф ули — Модать вийцень Ала тарфтк. Тя кулактель Кели паксясь Тяза пяярькшкеме Ливсть. Тяса панарнеке Начконцть, Нужась сединекень Кярьсь. Тяни воля! Трактор морак! Летьке модать Серьцек матт Ташта межать Синнек—тапак — Таргай юронзон Кулакть! |
Июнь 1932 к |
| << Кузьнецяса << | >> Коммунист, тракторть ланкса >> |
| Сборник Эряфсь панжи; автор: Пинясов Я. М.; 1933. | |