Тяляма

Тячи мани сёксень шись. Менельть эса аш дуця Марнек менельсь сенем-сенем. Кода парьхциень руця. Колхозть оцю тингонц вельхксса Пара мяльса ваны шись, Апак лотксек молотилкась Тялясь сёрот бта кштись. Аф кенерьшнихть бригадатне Аф кенерькшни возать меля возс, Вишкста, вишкста шуди ару, Золоткс ащи розсь Сяда курок, сяда курок Ёряйнть вишкста пулфнень тинь! Уледа вежляфт, уледа кемот Оцю вию тевсь тя минь! Минь планонькя тячи оцю Тялямс кафта сятт центнер Нолатненьди и рвачненди Няфтемс работань пример! — Кафта сятть васц колма тялямс! Вишкста ялгатьне ивацть Апак лотксек ударнай тевса Омбоце бригадать сацть! Молотилкать вельхксса столбакс Шары пяльди, модань пульсь. Колма сятт центнерть синь тялязь. Шири лии розень ювсь

1933-к.