Лувкссь мувсь

Морась сёксень вармась куд таваткснень эса, шужарьхнень эса и азонц латта тялоть малакстоманц колга.

Столовайть эзда лисенцть кафтонь-колмонь колхозникне и нарнезь ожасост куяв нярьснон.

Эрь лисись морафнезя кенкшти петфтаф каготкять, коза сёрматфоль — „Колхозник и колхозница ялгат! Ужендамода меле ули правленияса пуромкс, кизефксне! улихть тяфтапт:

1. Модамарень шувомать и лов алу сокамать шумордамаснон колга.

2. Калдазонь тиемать колга,

3. цексь — башка кизефкс.“

Колхозникне, конат машцть сёрмас сят морафнезь, а конат исть машт кизефнезь, лия колхозникнень кяцта.

Колхозникне куцематнень инголе учсезь колхозонь председательть Якстерь Ивантть и ялань келеса курендакшнесть.

Курендама качамть вармась нотфнезя нингя куркстост и салсезя аф няев ков бди.

Колхозникне ванонцть тюже топольхнень ланкс, конат пяярезь тифтень кафтонь эсь лопаснон, и пракшнесть кода тюже цалковайхть, и эрь лопанясь валгомста бта токасы седицень.

Тя горяв природать ланкс ванозь колхозникне корхтасьть:

— Да ваттка кода полафци тялоти эрь шуфтонясь шаманц, а тунда няйть ялгат, мзарда саят сокамста, панчсайть столоваень вальмятнень, топольнятне лопасазь эсь пиже касаняснон и нолдайхть стама шиненя, што ирефтянза эсь цебярь таньсфсонза.

Менельть эса манинясь ванонць вальмятнень эзга, а тяни ков бди кяшезя эсь кеняньф шаманц, и сенемя, ару морякс ащи менельськя арась мутендаф эрьхкокс.

Ся пинкста лиссь куцематнень ланкс Якстерь Иванць, конац нарнезя нардама руцянясонза эсь ливсью шаманц.

Якстерь Иванць сери ломань, Якстерь шама и равжа сельмя куна. Сонь шама варжафоц ульсь пяк весяла и корхнекшнесь шуроста и шарьхкодевиста.

Якстерь Иванць ульсь кафта кизот ВЛКСМ-нь ячейкань секретарькс, а тани сонь ётафтозь колхозонь прадседателькс.

— Ну ялгат, айда тяни правленияв, — мярьксь Якстерь Иванць.

Иванць тусь оцю аськолмаса инголи, а мельганза тусть сембе колхозникне и колхозницатне.

Куцсть правлениянь сери куцематнень эзга колхозникне, панжезь кенкшть тоса ашель фкавок ломань лия, аньцек счетонь вятить суронза ласьцонцть счеткань шарнятнень ланга и тяшнезень кагоц трудошитнень.

— Луват сембе Илюш ялга?

Счетонь вятись Илюша комсомолецсь варжась Иванонь ланкс и мерьксь: — да луван няйсак, аньцек ингольдень счетонь вятись Цюгун пря Ефимсь тийсь тяза эльбятькс, коза пяля литрафтома тят тяряфне кочкамост, — пеедезь отвечась Иванонь каршес Илюш.

— А мезень эльбятькс?

— Вов кода лувонца Цюгун прясь, эстейнза сёрмаць комснилие лишнай трудоши, атьвозенцты тага кимгафтува трудоши лишнайхть, — отвецясь тага Илюш.

— Видекс тяфта! — талакодозь пшкяць Иван.

Илюш венептезя Иванонь ингольсь табельть и кармасть ванондома.

— Ялгат оцю прять атьвозец нят шитнень эзда, работась иляш?

— Конатнень? — ивацть Иванонь каршес колхозникне.

Иван тяшнезень каготкас и кармась азондомст.

— Августть эзда целай пятидневка изь работа, конанькса минь няйть сонь вешсаськ лифтемода колхозста, потом сонць вов нят шитнень эзда изь работа, а сон тяза тиезень.

Иванонь валонзон кеподезь — колхозникне сяда вяри и ювацть:

— Аш исть работа, нят лишнайхть, Цюгун прясь аньцек уски эсь ширезонза и роднянзонды, — кулевсть сембе колхозникнень вайгяльсна.

— Мезе нингя тоса тарксесасть, ушоптомс пуромксть, — кулевсь Лаподить вайгялец.

— Кда аф мяльце ащемс архт да листь, кигавек тонь пулозт аф кярьмоди, лифнесайнек Цюгун прять сёронзон, конац кодай минь ударнай работазнок тапаркст, минь работайхне, а сон и родьнянза прогульщикне получасазь трудошитнень. Молодец Илюшсь музень алясь „эльбятькснень“, валхтозя классовай врагть ланкста маскать, конань ала кяшендезя эсь классовой шаманц, — кулевсть колхозникнень валсна.

Сянь меле колхозникнень ёткста стась комсомолец Павелсь и мярьксь:

— Ялгат! тинь арьсетяда мезенкса тяфта Лаподись сяда курок ётафтцы пуромксть.

Колхозниктне ванонцть Пашань нярьс мезе азы Паша, и сембень сельмя бровасна арасть кизефтемань знакокс.

Паша тага валонц мольфтема кармась.

— Цюгун прясь кона шиня лиссь Лаподить ширеста кула ирецтаста и корхтась: — „тейнек труда шитне аф ужяльхть“, а сянкса эрявихть проверямс и Лаподитькя трудошинзон, сон монь кайсон сяпи ланкс рамась трудошит.

Видеста цёрась няфтезя, варжамс, кулевсть колхозниконь вайгяльхне.

И вов кармась варчсемс табельхнень и мусь тага 12 лишнай трудошит, конатнень Лаподись сёрмачнезень сяпи ведь ланкс.

Лаподить ужеть эса кирьсь кялец, и ловашкачнесь и якстерьготшнесь сонь шамац и пинделгоцт визьксть эзда сельмонза.

— Эх кодама Лаподись, афоль работа, а трудошит сёрматфтоль те рвачества и ша, — корхтасть колхозникне Лаподить ваксса.

Лаподись комафтозя прянц и мярьксь;

— Мон вдь изень рамсе, сон сонць сёрмадозень.

— Тяфтак церяськя аф шачи Лаподи чорт — пшкяць кяжиста фкя сире колхозник.

— Ну ялгат аш мезе спорямс, кяльса сяда кржа корхтамс, а тевса тиемс сяда лама, — пшкяць колхозонь председательсь.

— Ну дайте ушопцаськ пуромксть и пуцаськ тоса нят рвачнень колга кизефксть, и лифттяма путфкс.

Пуромксть панжемода меля колхозникне ванонцт Иванонь нярьс, а Иванонь валонза гайнясть правлениять эса.

— Минь сембе тевнекя ётасть лац, но мянь аф лама ланкс, даман урожаень явшемати рвачне кармасть кодама тапоркст, но минь нят тапоркснень ичкизи аф, нолдасайнек, минь комсомолонь сельмось няезень сяда курок, минь синь панцайнек, а нят вредительхненди, рвачненди эряви максомс сяда кемя отпор, афток панемс колхозста, кода вредителень, а Цюгун прять эряви максомс суц.

— Виде, виде Иван, тяфта тиемс аф учсемс — ивацть колхозникне.

— Тяни ялгат оцю инь эрявикс тевсь ингольнок ащи ся, штоба тя недялять эзда тиемс калдас, — вирьхне анокт сембе тозк, сембе вийть эряви вандыкигя нолдамс калдазонь тиемати, ну кода тя тевсь тейнек тиемс?

— Ну, а мес аш кода тиемс, али вийнеськ аф сати? саты вийнеськ и тийсаськ калдазт стане, штоба фкя ловня аволь сува, — пшкяцть Иванонь валонзон каршес колхозникне.

— Сядонга оцю инициатива эряви вятемс комсомолецненди, и вятелезь эсь мельгаст аф партийнай массатьке, — корхтась Иванць.

— Ну алгат Цюгун прять тевонц колга карматама корхтама омботь тийхтяма пуромкс, ато тяни позна ни няйсак.

— Виде Иван, позна, а ванды нингя маковай зарять ланга самс калдазонь тиема.

Ушось ульсь шовда, и мезевок изь няев аньцек морась вармась велень куда прятнень эзга, и кажолцть шужярьхне.

Шувдава рана, рана кармасть пуромкшнема колхозникне и колхозницатне. Сайхнень, конань кававалонза узер, конань пила, конань каймя и сембя пуромсть эсь орудияснон мархта, конат эрявсть тейсть тячиень шити.

Арсесть бригадава.

Эрь бригадати кемокстафтольхть колма комсомолецт.

Лаказевсь ударнай работась стама вишкста, што мярьгат орьгодихть пожарда.

Конат шувсть столба лоткт, конат лаксесть столбат конат инзекшнесть, сембень мяльсна лакась сянь эса штоба сяда цебярняста и сяда курок шумордамс калдаснень и афольхцень сат ловсь жуватаснон.

Ляцихть инксне, тивнайхть пилатне, ляцихть щепкатне, цинняйхть кшнинь каймотне и работась ласьки ударнайдонга ударнайста.

Колма шит лакась тя ударнай работась, конац стройкать кепсезя стягонц сатфкс мархта.

Весть, мзярда кармась лацсема страпилатнень, Турусь путозя страпила петь стане, штоба курок праль и лоткаль ударнай работась.

Мзярда комсомолец Пётрась варжазя ся вастть, то страпилатне ащесть прама ланкса и мярьксь:

— Тон мезе тяфта тиеть Туру, тон ёрат лоткафтомс минь тевнеськонь, тонь аф мяльце работамс так орть тят шорсе, минь тонтьфтемтка тийсаськ и нингя пожалуй сяда цебярьста.

Туруть сельмонза пиндолцть и мезевок изь азов Петрань каршес, но хоть азсак валцень синь аф верондайхть — арсесь эсь пачканза Турусь.

— Ялгат! Минь ётксонок вредительскай работась нингя моли.

Турусь страпилатнень лацсезьнь стане, штоба каладольхть, шаволь ломатть, или жуватат.

— А сонь первой штоли тя случайсь, сонь вредительскай работанц аньцек тяни кармась содама комсомолсь, а сон кодась тевти тапорькст, — корхтасть колхозникне.

— Да, эряви кизефксть путомс тя вредительствать колга тя пуромксть эса и лифтемс колхозста кода вредителень.

Шись ёрдавсь якорь лаца зарянь якстерь моряти и мельганза варжаксць сенем сельмя илядсь и кяшендезь валтть эсь вень равжи шинеленц алу.

Колхозникне ужендамода меле кармасть пуромома колхозонь правленияв.

Правлениять эса шумофць унжань котфокс ащи качамсь, конань нолязь тячиень сизеф колхозникне.

Сембе кизефкснень кочкамода меле комсомолец Пётрсь стясь и мярьксь:

— Ялгат! минь дейнек аш ков сяда тов кирьдемс тя оцю безобразиять. Цюгун прясь казьндезень эсь малава ащи раднянзон и знакомайнзон трудшиса. Костя сявонфт нят трудошитне и кда афолийнек му, — кие пандольхцень? Минь пандолийнек эсь ливсю копстонок.

Тя ялгат вредительства! А Турусь стане жа тиенди вредительствать, ладязень стропилатнень стане, штоба пральхть аньцек варманяда.

Петрань эзда нльтай кармась лисема пар и тага мярьксь:

— Ялгат! монь кайсонь Цюгун прять, Туруть и трудашинь рамсихнень панемс колхозста, кода тевонь шорсинь и вреднай элементонь, а Цюгун прять тяда башка максомс суц.

— Виде, виде Петра, тяфта сяда пяк тейнек работамс аш кода, паньмос тевонь шоряйхнень, — кулевсть колхозникнень вайгяльсна.

— Ну кия сянкса, штоба панемс вярьде азф ломатнень.

У-в-в-в, — ... увакацть колхозникнень кяцна.

Колхозникне тякожа пуромксть эса азсть, ударникокс пря, што маластонь пинкть эзда шумордасазь калдаснень и ушоптыхть лия работасонга работама ударнайста.