А. БЕЛЯЕВ

Музь

Прась акша пухокс аши ловсь. Колхозникне од ловнять ланга усксихть паксяв назем, а тётьмакне школаста самодост меля, ёряйхть фкяфкянь ланкс лов пуворксса. Кодак няезь ётамода назем усфонц ланкса Федять, сембя ювадезевсть кода фкя: Федя! Озафтомясть миннгя аф ичкизиня! Федясь корхтай синдеест: норада шабанят няемясть, кода ётан шава, сембонь озафтядезь и арфтядязь мянь кильдемань калдазн тейс.

Тётьмакня ляцт кить ланкс и кеняндезь — цють аф, рахазь корхтайхть: тяни айда ласьктям мянь Кузманять ульцянянц пес и тоста Федясь артфцамязь мянь колхозонь калдазть инголи...

А тоса Васясь пшкяць сембя цёраня ялганзонды сонць ялганзон ланга налхконфцыень сельмонзон бта лаем марьхть;

А кда васькафцамязь Федясь, тоса ялга меки эряви самс...

Андрейсь аськолдась Васять шири и кяжеттенза ювадезевсь лангозонза: Федясь аф кармай васькафнема, сон сонць васькафнихнень аф кельксынь... юкстайть мезя Ольга Николаевнась корхтась школаса... Комсомолецня мзярдонга аф васькафнихть...

Ся козятне ашуфнень эса васькафнихть... Эрь айда сяда куроконя пшкяць Ладюнянь Пашась, ату курок Федясь мрдай, а сонць сокоты, кода ёмбла вашоня и соньцкя аф содасы мес или кеняндевсь или эендась. И сембя тусть кеняндезь корхтакшнийхть и молихть Кузьманять ульцянянц шири.

Сембонь шамасна тялонь варманять эзда пиндолдыхть, кода мази марьхть, Андрейсь нльня боранн такьянц шёвоннц ланкс кшмадезя, конань аляц аф кунара стафтозя Сядойть кяцта.

Кить ланкс ингольст лиссь Мусейнянь Тиможсь — сонць путны ор пувнянзон эса, сонць нолясы эчкя вярьдя губанц.

Андрейсь шархкстась ялганзон шири и пшкяць: вов арась кить ланкс офтонь шкайсь, а сонць аф и рахазеви.

Шалхка алцонь нардак, ату эендай шалхка алот...

Сембя цёратня рахасть Тиможть ланкс, кода сон нардазя шалхка алонц, анок лебони ор ожясонза и лебоньца вадевсь сембя шамац. Ков мольхтяд? Кизефтезень Тиможс цёранятнень, а сонць кода боран ваны лангозост туркс сельмот.

Алашаса ардома, — отвецясть сембя кода фкя и тусть кеняндезь эсь кигаст.

Моннге озафтомясть? Юваць Тиможсь, а синь мезевок исть кулхцонда нингя сяда вишкста тусть инголи.

— Норак танга саять масленаезнок ваень шавфтома, мон танга киннгя аф нолдафца, бормоцясь Тиможсь эсь шалхконц ала...

Омбоця шувдаваня Андрейсь сыргозсь учань парама вайгяльс.

Варжаксць Андрейсь, а лахантть ваксса ащи седой учась и нолсы ёмбла веросканц эса. Пяк кельговсь Андрейти равжа кудряв вероскясь.

— Тон сембя удок пшкяць — Атяц Андрейти, — а мон вов тонь стямозт вероскя мунь! — а сонць пееди акша бта оц праф лов лаца сакаланц пачк и варчси ёмбла вероськять ланкс.

— Нят шитнень эзда ушардоль верозамс акша шама учась, — пшкяць Андрейть атяц. Андрейсь ванц атянц ланкс амбонфста, а сонь сидеста варчсы вероскять ланкс, и корхтай атянцты... Мес измять стяфт моня, мон кармальнь тоня мархтот лездома, кормонь каямста и мума вероскять. Дай атяй мондейнь тя вероскять, — Андрейсь пшкяць Атянцты, мон карман сонь аннемонза... и куроконя касы оцюста...

— Аф Андрюша — пшкяць атяц, тон тонць мук эстейть, а тяннь мон муйя.

Тяни Андрейсь кармась стякшнема нингя шовдаста и нингя атянц коряс инголя ласьки учань карду верозень вешендема.

Андрейть пяк тусь мялезонза, кода шуваня грнай вайгяльняс пишкочни и сонга кармась вероскять лаца пишкочнема тонафнема. Весть нльня Ольга Николаевна рахась Андрейть ланкс, кода переменаста кулезя Андрейть пишкочнемода верозонь вайгяльса.

Тон бта ёмбла вероскя пишкочнат, — мярьксь Андрейти.

— Мес тяфта кувать аф верозайхть? Кизефтезе танга атянц Андрейсь.

— Вов, кодак тон туят школав так и верозайхть, Андрейти корхтай атяц, мон кодак мусайнь, тондейть, фкава вероскя аф максан, сембя рахси атяц Андрейть ланкса. Мезя тиемс атянц мархта, сонцкя Андрейсь аф содасы, а кяжиясь лангозонза кемоста.

Кодонга эряви васькафтомс думондай эстеенза Андрейсь...

Стясь Андрейсь шовдава тусь учань карду, а атяц сась переста кашолка корма мархта.

Верос танга ашель. Андрейсь аноклась пине лефкс и ашкодозя шужярьса.

Атяц юваць калдазса;

— Аяш вероскя?

— „Ули!“ Юваць Андрейсь.

Атяц мольсь карду кенкшть ланкс, а картт эса шовда мезевок аф няят.

— Кундак атяй, пшкяць Андрейсь, а сонць пишкоды кода ёмбла вероскя.

— Вов цебярь танга фкя шкайсь макссь, пшкяць атяц, а сонць кундазя кядезонза пиня лефксть.

Вадерязя, а тоса пиня лефкс.

— Ах! аф пара морс галдоргофтольнзя, кяжеттенза ювацевсь атяц, да кда кундазе Андрейть кафта пиля понада сефтемс

Андрайсь аф и аварьди, мянць атянц коморста да кда рахазеви мезя ули вайгялец, а пря кедец сяряди, пиленза якстерьгоцт, кода пизель кярьмост.

Школаста самодонза меля Андрейсь калдазста, тракс карда ужеть эзда, мусь акша вероскя. Стам кудряв ульсь вероскясь, кода сонць Андрейсь, аньцек вероскясь ульсь сяда акша. Лядыкс кафта учатне верозасть омбоця шиня, кона ёткста Андрейсь ульсь школаса и вероснень музень танга атяц.

Пяк ни кельгончнезя Андрейсь эсь муф веросканц. Шинь перьф школаста самодонза меля вероскять тейста ковонга аф тушонды, а кодак кармай пишкочнема, Андрейсь каяй ёмбла бутылканяс лофца, а бутылка кургонять пес щафты резинкань потяня, конань рамазя моцькалкс ланкс лавкаста и станя потяфнезя вероскять.

Стак и вероскяськя Андрейть тонацы ковонга аф лядонды Андрейть эзда — ков сон, тов и вероскясь.

А учатнень сувафцазь, дядяц ломань ряца аф и потяфцы.

Тундати Андрейть верозоц касс сембода оцюста лие вероснень коряс и аляц мярьксь сондеенза: кодак нарасайнек учатнень, геворьттяма акша кямот эсь верозцень понаста.

Сай тялонда омбоця группать эса кармат тонафнема, школав карммат якама кямоса.

Сась цебярь, мази тундась. Пижелгоц модать лангоц и пижелгоцт озафнеф шуфттня Андрейхнень садняса. Андрейхнень садняс ускозь и стяфтозь маренатнень и лаемкснень колхозникне, сембеда инголя Андрейхнень садняса уйфцть панжема лаемксне — Андрейть акша верозонц пулонц лаца цёконь-цёконь нюрьксть акша лаем панчфня. Лаемкснень меля уйфцть панжема маренатня.

Сембя саднясь кярьксазь-кярьксавсь панчфонь венокса, а сери акшуфнень тарацнон эзда нюрьгихть пижя и тюжя утюксне.

Саднять эзга якайхть Андрейсь и атяц и ванондыхть кода мешне лиендихть и валгондыхть и тушендыхть меки. Пижя лятфнень вельхксса лиендихть мази мелавнятне, а лятфнень фтала маряви атям лаца торай тракторт вайгялец, тоса Андрейть аляц сокай колхозонь-кели паксять эса. Андрейсь кунаркия ни валхтозя боранонь кеднень такиянц и саднять эзга якай штада прят.

Шинясь пеедезь ванонды вярьдя и лямбосонза вадерясы Андрейть акша кудряв прянц. Андрейть атяц пшкяць Андрейти: Нят шитнень эзда мешня ушардольхть уйфтема роень паньма, эряви анокламс роельникть сяда малас.

— Цебярь тундась, — сонць пшкяць, — тя кизоня лама метте ушардольхть кандомс.

Обед малати Андрейхнень садняснон вакска молихть Буздунц Мусейнянь Тиможть мархта, Мусейнятнень куцнон шири. Андрейсь ифчёк лиссь садняста кувака палка пес сотф шава роельниконц мархта.

— Курок лоткатад колхознь вешконь меля ванондомода, пшкяць Андрейти Мусейнянь Тиможсь. Тяни лац уйфтедя видьма, а сёксенда сембя сёрондестень сявсазь, а колхозниконттенди лядыхть юфня...

— Тиннь пялент кшенкса аф мольхтям, пшкяць Андрейсь и тусь кенордазь атянц тейс.

— Ся инголя аляць очка пеконц мархта арнекшнесь ашуфнень ланкса, а тяни потафцазь нярентень, — думондась эсь пачканза Андрейсь. Аф лама пинкта меля Буздунц вальмятнень алга ётась скамонза эсь кудонц шири, а тоса меки ётасть кафоннест цёранц мархта. Андрейсь шарьхкодезя, што тя аф стак, а мезя бди вешихть тиймода и тусь куяр пирьфнень фталу. Ваны Мусейнянь утомс тусть, сонць Мусейнянь Федорс, Буздунц, а сембеда меля Буздунтт цёрац моли мяньтьф бта атям ён и канды беремасонза шава мяшёкт, кодак сувасть утомти, эздкак сёлгозь кенькшть. Нинге ашель куяр пирьфть ваксса Андрейсь, да мамац юваць, терьць обедама. Кати ков юмась Андрей самай обедань малати... Ювачнень, ювачнень, а тойнь духцева аш тяса.

Андрейсь маманц каршес мезевок изь аз и сувась куду. Тя шиня Андрейсь обетта меля киннгя мархта мезевок изь корхта и нльня ужендама ёткста алянцка исця кизефня, кода сокась тракторса. Стак и мац сяка думонц мархта, мезя тяфта вешихть тиймода Буздунц Мусейнянь Федорть мархта. Весть Андрейсь атянц мархта нардасть рой лаемкс таратт ланкста и мешсь Андрейть пупазя видеста сельмя марти, нльня таргозсь сембя сельмя вельксоц и лоткась няймода сельмоцка.

О-о! ялгай, тойнь кемоста нюхафтонзя, пшкяць атяц Андрейти, а сонць ваны Андрейть сельмя ширьхконц ланкс, — ну аш мезева, сянь каршес сёксенда метте карматам ярхцама, сяда ламбама ули мець. А тяни курок тутам куду — танга пшкяць атяц, ройть ванды нолдасаськ, ату пяк кяжи, и ванды саца сятявкстоми. Пондазь раельникть марена таратть ланкс и тусть садняста.

Андрейсь и фкя сельмоса няезя, што Мусейнятнень куцнон инголи пуромсть лама ломаннда и мезень бди кувалмова кохтакшнихть. Няйсак атяй Мусенятьнень утору пуромсть ломатне, ызнать танга састь колабанкса. Атяц корхтай омбоця ковсь сембя сашондыхть, а колаба нингя исть макса мезевок. Мон молян атяй кулхцонца — мезя тоса корхнихть и тусь Мусейнятьнень куцнон шири.

Аньцек пачкоць Андрейсь вальмять алу, кульсы Мусейнянь Федоррясь мезя вайгяльхть ювади: Эсь теенеконьга аш мезя ярхцамс нингя сондеенза тя пингоня ярмакт. Кда аш мездя ярхцамс куца, тяль тушенда, а тяни нолгады покодьманц. Миннгя аньцек моданеськонь гастязя, кода тува шувонць тоса. А месть тусь самай покодьма пинкть эзда, хоть осалста покоць минь соннь изеськ панця...

Трошу стясь эземть ланкста — бта локшот кядензон эса афияй. Ташта кепканц алда пиндолдыхть равжа кудрянза, а сельмонза бта равжа загат пиндолдыхть. Таргозевсть вишкя вайгяльсонза:

— Мон тейнть азыя нингя сиводемста, што договорфтома покодьма аф карман, а тинь корхтадя, што сёрмраттам договор и вов целай ков покодень сембя сёрмачнетяд... Моркшть песа озафтфоль (няевсь вальмава копоц) избач Агаповть и нингя комсомолецт и в/советонь члетт. Аф карматад пандома, аф эряви, вешеда эсьтейнть стама ломань, кона кармай тейнть покодьма договорфтома. А мон тейнть аф алашан! Мзяра кяцонтт ули, ярмак покодьмазень инкса, мон муса кода сявомс кяцтонтт! Агапов пшкяць сетьмя вайгяльса: — колобат тоже мярьгат аш и атказакшнетяд пандомдонга?

— А тянь кувалмова корхтада алятнень мархта. Кода кельгихть алятне, а мон корхтан, што колоба аш, мезевок изь пуроптов, хоть варжасть утомста, кда аф верондатада.

— А сонць азорсь коса?

— Тусь Торбееву отвецясь Федоррясь нингя шувдава.

— Месть васькафнят, пшкяць валдинь Гафонц, тяни аф кунара няия куцоль.

— Аф, аф! Пшкяць Федоррясь ся киговок ульсь лия.

Эряви варжамс утомса мезя ули, пшкяцть члеттне ату синнь мзярдонга аф ули колобасна. Утомста мезевок исть му, аньцек колаба паморкст ульсть сусек ужеса. Коза тиесть сняра колабать? Кизефтезь Трашусь, аф кунара кафта сусек пяшксет ульсть и тяни мзярдовок изь ляд.

— Сёлк варяга куркцень ювадезевсь Федоррясь, дят васькафня, мзярдонга ашель кафта сусект колабанеськ. Лиссть сембя утомста.

— Буздунт цёранц мархта колмочесь мезя бди шарсть, тяса мешок мархта — Андрейсь пшкяць: А! тонга сать од колхозник ялга — пара, пара! Агаповсь пшкяць; Бузунц корхтат тяса шарс?

— Да! мярьксь Андрейсь. Эка цёрат айда варжасаськ нингя тоста риганц.

— Алда варжасть мярьксь Андрейсь. Инголя ригац ульсь шава и мзярдонга воратанзон изезь сёлгончня, а тяни ворататне сёлкфт и пякстафт оцю замокса, а мзярда сувай Бузунц ригалу, эздкак сёлксыйнь ворататнень

— Тон тяса мезя шарат вибледок лефкс, урадмась шавольнзя! Кяжиста юваць Федоррясь Андрейть ланкс. Васькафни, минь Бузунтт мархта мезевок аф сотцетям.

— А минь варжасаськ, мярьксь Агаповсь, сотцетяд али аф!?

Шись кармась шепочнема Бузуннть риганц ала ульсь шовда, аньцек якстерьста палс иляднь зарясь и кувака пиленза пиндолдозь ётность замець лазфкятнень эзга, и няфнесть омбоця ширеста шужярь марть ланкс.

— Эка цёрат щупадесть шужярь март, пшкяць Агаповсь. Веляфтозь шужярьхнень и алулда лиссь оцю колаба мар.

— Вов синь коса „ракатня тялоднакшнихть“, юваць Валувнь Гафонц.

— Мезя тоса? Кизефтезя Агаповсь.

— Оцю колаба мар, — мярьксь Гафон.

— Тя пара пшкяць Агаповсь киннь нят колабатня? Кизефтозя Буздунть Агаповсь.

— Кода шкайти мезевок аф содан, Бузунц корхтась сонць озонды.

— Пандя васькафнема мярьксть члетня. Тяса аш манашкат.

— Ну цёрат, а мзяра мельганза нингя сёрода? мярьксь Агаповсь. Валуйнь Гафонц варжазень спискатнень и мярьксь: — нингя 40 пуд.

— О! о!.. о, — пукшу лувкссь, — пшкяць якстерь шама Агаповсь.

— Сусеконза шават, но росьневок тясот, эряви вона ся ужеть эзда варжамс, тоса кати мезовок валяф.

— Андрей фатязя кшнинь цянкть и кармась кишмияма, ся ужети.

— Эй! ялгат, тяса кати мезе калгода маряви.

— Молодец Андрей, норак варжасаськ.

Комоць Агаповсь и кармась шувма.

Эздкак лиссь ларть таватксоц, коса ульсь прдаф 150 пуд сёра.

— Вона „ашуфне“, тяфтапт синь, — пшкяць Агаповсь, тяни Андрей архт аст латта колхозникненди и велень советонь члеттненди и карматам корхтама нят „ашуфнень“ колга и макстам стама отпор, штоба тяльхть шорсе минь общественно-политической компаниянеконди.

1930 к.