| Инзарть виец, автор: Васькин И. А. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 84—87 | |
| << Гарю << | >> Сокась пеняцяй (Л. Макулов) >> |
ИНЗАРТЬ ВИЕЦ
Лашма потмаксса „Пора“ Веленясь, Эзганза шуди Инзара ляйнясь. Инзарсь вийсонза Шарфты яжама кев — Сёмужонди канц Оцю стака тев. Оцю яжама кевсь Апак ваймак шарсь, Сёмуж кепоць—валхць Копстонза лиссь парсь. Цёрась работась Питня аф оцю сявсь, Мзяра максы „сонць“ — Исайканнель тевсь. Марафт кяскафня Кода печкф тувот, Ускихть ашуфня Исайти шумот. Уловста — улавс Сёмуж кепоць — валхць, Весть пяк кеподезь Ёжодонза машць. Кяскавсь изь кирьдев, Копстанза алу прась, Пяндра модать лангс Сёрось пиземкс страць. Сёмужонь Исай Вишкста шавозя, Пяяртьф кяскав розть Колмоксть панфтозя. — „Варжак, пиня лефкс, Содак эсь тевцень, Пяяртьф розь инкса Лифца седицень“... „Прасти, Иваныч, Кадмак работан, Ведь мархта кшиса, Эсь прязень тряян“... * * * Сёмуж работась — Пуворьфть кяденза Пялес вачеда Эрясть иденза. Оцю цёраняц Ванонц учанят, Тяфта кудряца Кочкась сускомнят. Ётнесть шит и вет, Мельгаст кизотня Сёмужонь копорьса — Ливсня, сизефня... * * * Тундань шада ветькс Сась октябрь ковсь, Исайть меленцяс Ашусь азоркс повсь. Жольнясь — вихоньзазь Инзар ляйть виец, Кулак Исайсь эвоць, Сязевсь седиец Сёмуж Исайти Кяскафт аф канни, Анаф сускомса Семьянц аф анни. Предоль велеса, Ашуть ширенц кирьць, Марса пуромомс Сон синнь эсост терьць: Эряви, ялгат, Нужаста лисемс, Тянь вельдя кулакть Валеста ильхтемс! Саты порьсь — ни сон Ашуть сялдазса, Пуроптама марс Аф яци маласка, — „Видя, цебярь ули,“ — Корхтась эрь куца, Мезя корхнесь Сёмуж Марстонь пуромксса, * * * Шоворсть „Пороса“ Оцю паксятня, Машфтовсть тракторса Сиря межатня. Сёмужнь кядь ала Пуромсь коллектиф, Тяни од эряфти Васень аськолкссь тийф. Атцесь тундань шись, Сиянь куцемат Колхозсь пуропни Паксяв лисемат. |
| 1931 к. |
| << Гарю << | >> Сокась пеняцяй (Л. Макулов) >> |
| «Инзарть виец», автор: Васькин И. А. // сборник Васень аськолкс. Мокшонь писательхнень сёрматфсна. — 1932. | |