| Переса (ч. 3 поэмы «Матовсь кяжец»), автор: Безбородов М. И. // сборник Васень аськолкс; 1930. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 30—32 | |
| << Мзярця шись ни... // Матовсь кяжец << | >> Комбайнась (Ф. Фролов) >> |
|
ПЕРЕСА
Пересь пяшкся Тяляй нароць, Тяламс сёрось Курок эряви, „Молотилкать Ламо пароц“ — Лаврань пилес Вайгяль маряви. Молотилкать Тяза, тяза Ряц коря вдь Тейнек эряви, Кенерьхтяда! Тракторсь таза Недляста Сёронтя тялявихть. Кепоць пульсь Менельти качкамкс, Молотилкась Сельмоть лазозя, Кели кургонц Пулфта ярцамс Вача ломанькс Келес панжозя Ваня, оттнень Тяйтя тюрьфня! Тракторть мельгя Лацкас ванода, Кяття кяц Комотьфнесть пулфнень, Скорей усфти Кескафт каннеда. „Кали сембя Тяляйхть марса, Кали ськамон Лядонь велети.“ Шарыхть дупня, Лаврань пряса „Ладяйть“ тракторти — Юваць пиленцты. Изь думсекшня Лавра тячис, Што сокайхня Марса пуромихть, И пуворьфу Сузу кяцост, Сёротнень тяляма Уромихть. Кафта недялят Начконцть сёротня, Аф стака сембя Лаймя велесь Тяляйхть марса, Шерьхкихть капатня. Якай Сёма (Предколхозась) Атя мацикс Гагай пеечни. Тяни соннь Седиец озась. Тяляма пингсь Келес келемкшни. |
| 1930 г. |
| << Мзярця шись ни... // Матовсь кяжец << | >> Комбайнась (Ф. Фролов) >> |
| «Переса» (ч. 3 поэмы «Матовсь кяжец»), автор: Безбородов М. И. // сборник Васень аськолкс. Мокшонь писательхнень сёрматфсна. — 1932. | |