| Уленць шобда (ч. 1 поэмы «Матовсь кяжец»), автор: Безбородов М. И. // сборник Васень аськолкс; 1930. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 25—27 | |
| << Матовсь кяжец << | >> Мзярця шись ни... // Матовсь кяжец >> |
|
УЛЕНЦЬ ШОБДА
Уленць шобда(Сязькс поэмаста — „Матовсь кяжец“) I „Сиря“ велесь (Сиря пинкнень) Кода весь. Якась нужась Паксять келес Кяжи вармакс Морась кштись Валда, вайкс Сокайхнень копста Шудезь-шудесь Кельмя ливсь... Пиксекшнезь синнь Плеца, локшоса, — Тяфта уленць Эста тевсь. Уленць сотнеф Ашуть кялец, Пуромксу Изь якся сон. Ашель авать Сонцень лемоц — Сараз лаца Лувозь соннь. * * * Сась Октябрьсь, — Крьвзясь модась. Сиря эряфсь Толти палсь... Шобдать пачк Тяштенякс ётась „Сиря“ вели Заря валц. Пидевсь козясь Тяштень псити, Урмаськац, пильгя виец Машць. Сянкса ашусь Од эряфти кеняньф мяльса Ласкозь — ласьксь. Сргось авась, Вайгяль нолдась: „Моньгя улихть Праваня“... Сяда алу Козясь, озась, Мес шярьхкочнихть Аватня. Шавозь-шави Ашунь седись Шярьхкодезя Волясь сась. Лиякс шись Менельста пиди, Лиякс Варманясь уфась... Батраксь, ашусь, Середнякня Инголи Фкя кига тусть. Вийснон латьцесазь Кулакня, Но... сялдазсна „Казьнет“ муйхть. Эрь вели Касыхть колхосня, Озсесть тумокс Модать лангс Пори пейхть И шовай пеельхть Велень козясь — Пялясь пангсь. Анокт уледа, колхозникт! Колхозть виенц Кемокстасть Марстонь вийса, Эрек мяльса Марса врагонтень Люпштасть. |
| << Матовсь кяжец << | >> Мзярця шись ни... // Матовсь кяжец >> |
| «Уленць шобда» (ч. 1 поэмы «Матовсь кяжец»), автор: Безбородов М. И. // сборник Васень аськолкс. Мокшонь писательхнень сёрматфсна. — 1932. | |