Лиякс тон арат Тяни веле, И моротневок тонь Лият...

(Доронин).

ВАСЕНЬЦЯ АСЬКОЛКС

Васеньцесь тийф... Миньгя, мокшонь велеть эзда, колхозникнень и батраконь, ашунь середняконь крдатнень ёткста, няфнесазь мокшонь велеть, мокшонь трудендайхненди эсь васенця сатфксснон сяннь ингса, штоба эряйхня синць питнеяфтолезь нят сатфкснень и эрек вийса лездольхть тя кить — моронь, кялень валонь кить инь оцюста касфтоманцты.

Ётасть ся пинкня, мзярда минь вирьса, маниса, сиянь ведь, ваксса шачфтф кяльнеськ, лама сяда кизонь кувалма пингя калмафоль оцюазоронь пилькнень алу. Октябрянь революциянь вишкя толсь панжезя видя од эряфонь кить мокшэрзянь трудендайхненди. Мокшерзятня ёрдазь лангстост жяряпнень и марса, лия нациятнень мархта, кярьмоцть социалистическай од эряфть тиеманцты, эсь национальнай формаса коря и пролетарскай содержениянь мархта культураснон касфтоманцты.

Октябрьскай революциясь мрдафтозя (максозя) мокшерзятненди эсь, тяда инголя калмаф кяльснон. Кармасть лисендема мокшерзянь кяльса сёрматфт книгат, газетат и, синнь шачемаснон мархта, синнь лопаснон лангса кармасть шачема цифтордома кялень-валонь сёрмадынь васенця толнятня. Мокшонь вирень потмонь, шобда велетнень эзда кармасть лисендема мокшонь кялень-валонь сёрмадыхня.

Стакатольхть васень аськолксня, ашельхть такора кит... Лама моронь, кялень-валонь сёрмадыхнень эзда кадозь тя кить. (Б. Валда, Фипет, Цятка, Балашов, Ларькин, Карасев, Врагов и лиять). Синь эвоцть ся сталмотнень эзда, конат васфневсть мокшонь литературать пуроптома кинь зон лангса.

— Ушептфсь аф юмай... Мокшонь литературань кить лангста туфнень — ворьгодихть васцкасыхть од, оцю вийхть. Минь тя васенця нолдаф сборниконеськонь эса ёратама няфтемс ня од вийхнень, ня од касфкснень.

Мезень колга морайхть синь? Кодама кити арафнесазь эсь кайги мороснон, эсь кяльснон-валснон и киннь ингса тюрихть синь?

Партиять руководстванц ала и соннь Ленинскай национальнай политиканц видя кига ётафтоманц вельдя мокшерзянь трудендайхня эрек вийса тюрихть велеть социалистическайкс одукс тиеманц ингса, мокшерзянь трудендайхнень культурнай ширеснон касфтоманц ингса. Цяторды, наксада поюкс страчни сиря эряфсь... Касы и келеми сплошоной коллективизациянь кись и соннь ётафтоманц вельдя, сязендевихть, тарксевихть мокшерзянь национальнай буржуазиять — кулачествать юронза. Кулаксь машфневи кода класс...

Большевиконь омбоця тундась арась инь вию тюремань пингокс велеть социалистическайкс одукс тиеманц ингса. Тя тунданя велень хозяйствать социалистическай пяльксонза инь оцюста няфтезь марстонь работать цебярь шинц. И вов тяннь колга морайхть, сёрмадыхть миннь оцю ушоды сёрмадынекя. Синь, конат лиссть мокшонь велеста, конатнень шачфтозь касфтозь мокшонь паксятня, цебярьста няйсазь сяннь, кода полафнесы шаманц мокшонь сиря велесь, кода касы и вишкомшни соннь социалистическай кига инголи молемац. Синнь моросна — велеть социалистическайкс одукс тиемац.

Тёжяньшка трактор васьфць эсь паксянзон лангса омбоця большевиконь тундаста мокшерзянь автономиясь. Тёжянь сталень айгор керезь паксять мяштенц ся паксятнень коса:

...Улхка тяса Шавонцть пинекс, — Шуфтонь сокась Лифнесь ливсь.

И кода тейнек ав морамс марса П. Левчаевть мархта, кона маром седисонза няйсы тя историческай синтьфксть мокшонь велеть эряфонц эса

...Дуборцть плукня Тракторть эса, Сяда вишкста Соньць увнась... Титя трактор лангса Ардысь — Колхознь омбоця тундась!.,

Лефчаевсь колхозник. Соннь моронза — колхозонь эряфсь. Сон эсь моросонза аф сявонди аньцек мази валхт. Сон эрь тевти, эрь кизефксти путнесы эсь мяленц. Кода корхнинхть русня сявонди конкретнай темат. „Мамазнь сёрмац“. „Коса тяфта“ „сдельшинатькса“), кона моронц эса сон видеста путнесы кизефксть:

— Коса сдельщинас Аф ётайхть, — Тоса ноласта Работайхть...

„Ков молят“ моронц эса, сон няфнесы тяниень пингонь инь оцю кизефксть: „Киннь мархтонок, колхозть инкса, кулакть каршес, или кулакть мархта (инкса) колхозть каршес“. Сон кизефнесы башка эряйть:

Ваня!

Арьсек мезя тиемс, Мезень колга тон думат! Кулакть меля мяльця тумос, Али тон колхозс суват?...

* * *

Вишкста ётнихть большевиконь омбоця тундань тефня... Партиять серьгятьксоц: „Социалистическай фкяфкянь ётазь, ударнайста видематнень пинкта инголя пяшкочнемаснон ингса“ Чумаковсь тя серьгятьксть сувафтозя эсь морозонза: „Фкя-фкянь ётазь“. Тундань видемаса инголи моли колхозс „Марссь“ серьгяцы омбоця колхозт, „Валда янтть“ социалистическай фкя-фкянь ётамати и аф аньцек серьгяцы, но сон теенза максси лезкс бригадат пуроптомаса, сдельщинати суфтомаса.

...Фкя-фкянь ётазь Паксяв лисемс. Пяшкоцаськ минь Тундань плантть. Бригадиркс пуцаськ Анисимть, Паксянь оцюнякс — Ивантть.

Тракторсь вию, тюри велеть коллективизациянц ингса. „Пяшкодесть сядос“ моронц эса Чумаковсь няфнесы тяннь:

„Сталинтть лемса Колхозсь касы, Паренаснон шумордазь; Паксясь сиреть — Ой, юкстасы, Трактор вийхне Соннь кундазь.

* * *

Колхоснень пуроптомаснон мархта, мянь пес тарксевихть батракня, ашуфня кулакть люпштаманц алда. Тяда ингольдень батраксь, кулаконь модаса — работаса ливсень — веронь пяярьдись — тяни тюри социалистическай велеть ингса. Сон-тракторист. М. Бябинць тяфта морасы „Микита тракторист“ моронц.

Сокак, Микита, Видя кига туть... Коллевтивса тон Валда эряф муть!

Шобда, стака ризфса ётафнезь эряфснон ашуфня, батракня, кемоста люпшнезень синня кулаксь.

Отт,
И отт!

Ф. Фролов фкя инь сиря мокшонь морайхнень ёткса, Сон сёрмадомать ушодозя нингя 1924 кизоть эзда. Сон вишкста пуропнезя морайть кинц и конань эзга сон мольсь 1928 кизоть самс. Тя ётксь, 1931 кизоть самс ульсь Фроловти „куломань“ ёткокс. Фроловсь кадондозя моронь сёрмадынь кить. Туфталсь тя кадомати фкя — ашель кодамовок работа киннгя ширьдя синнь киснон пуроптомать кемокстамать ингса. Мекольдень пингсь арась вию тюрикс мокшонь кяльть-валть пуроптаманц ингса. Сиря тефня кармасть мрдама. Мрдась Фролофскя. Ляц-ли сон фталу тяниень пингонь эряфть эзда? Аш изь ляд. Фроловсь велень работник. Сонь сельмя инголенза ётнихть ся историчксай синтьфксня, конат ётнихть велеса тяниень пинкть эзда. Сон сонць колхозник, сон сонць тюри колхозонь кить ингса.

Комбайнась „Американь прянь шнамась“ сась мокшерзянь паксятненди. Сон полафнесы „горбун тарвазть“. И вов тя полафтыть саманц васьфнесы Фроловсь эсь „комбайнась“ моронц эса.

Мон Саратовонь завоцта Паксяв молян штада мяштть Велень эряфть тийса оду — Сиря, эздодон тон кяшть!

Вишкста ётни велень хозяйствать машинизацияц. Тракторсь фатнесынь сембя модатнень, конат мянь тя пингс ащесть шава, шяй тишень потмоса. Тяни шяйхнень васц пуропневихть техническай культурань водяма совхост. Тяннь няфнесы тянь колга сёрмады Фроловсь:

Коза марафтольхть Панжамонь пизот, Коса наксачнесь Нупоню шяйсь, Тоса тракторхня Тяниень кизоть, Плукснон мархта Ся нупотнень тяйсть.

И сяда тов:

Ляпя иляназсь Шарфнесы шаманц, Сенем сельмонзон Палсезень шинясь, Курок лагстонза ......... Каясы шамонц Ваность мезе Тракторсь сей тийсь;

* * *

М. Безбородовсь ушедозя сёрмадомать 24—25 кизотнень эзда. Сон аньцек фкясь, кона исця кад сёрмадомать. Сон сатышкаста кемокстась сёрмадыень кить лангса и саць-ни сатышка сатфкст. Велеса ётни классовай тюремать сон пяк цебярьста няфтезя эсь поэмасонза „Матовсь кяжец“, конань эзда минь тя сборникса макстама фкя пялькс. Тяниень пингть эзда Безбородовсь шумордакшнесы мороса сёрматф повесть „Колма пинкт“.

Безбородовти пяк сафтови сувафнемс эсь морозонза велень эряфонь ширетнень, конатнень сон няфнесынь тёждя, шярьхкдодеви валса.

Кда сявомс аньцек фкя моронц „Тракторсь“, то сави няемс, што Безбородовти сафтовсь фатямс эрявикс ширетнень.

Палы зорясь, цифторць расась, Велеть песа гайняй локшось Лаймоть ланга, уля качамкс Летькя туман нолдась мокшось. ................ Кода лишмоть мялец ардомс, Станя колхозть пирьфста лиссь — Тракторсь — од эряфонь айгорсь, Нльня пеедезевсь шись. ............

Кевонь сталмоса Ульсь козясь; Ашуфненди эряф ашель, Покотть вийця — Саты коза — Лангсот козясь Азоркс ащесь.

А тяни?

Тяни: Кшнень вийсь Тюри кшинкса, Марстонь эряфсь Пинкнень пецынь. ......... Аф стак „мокшось“ Таза кяца Модать седиенц кундась. Ладясь: — Фкя-фкянь ётазь Тячи Видемс 80-нь га!

Тяфта М. Бябинц морасынь тяниень пинкнень, конат петезь мокшонь велеть эряфонц эсь моронц эса „Марстонь эряфсь пецынь пинкнень“.

„Классокс“ моронять Бябинц путозя тянинень пингонь, инь оцю кизефксть коллективизациять ётафтомац и сонь вельденза, кулкакть кода классонь машфтомац.

Сталень вийса Лакай эряфсь... Колхозсь виеми и касы! Козять яноц Марнек перявсь, Марса машфцаськ кода классонь!

Тяса-жа путневи кизефкссь: „Кона кить ингса“.

Пара мял Монь прясон ащи, Эрь шиня сай эзон вий. Марса эрязь — Козять аш киц, Башка эрязь — Козянь кись.

* * *

Мокшонь авась, „мокшонь велесь шобда иць“ марса алятнень мархта тюри од эряфть инкса.

Тракттористкась — Ударница Вара, Ударнайста мольфцы Сон тевть. Колхозса работац ударнай И ванцы Ашувонь мяльть.

Тяфтама-ни мокшонь авась — Е. Пьянзинть моронц эса „Ударница“. Пьянзинць няйсы велеть од кига касоманц. Кайги вию валса сувай Пьянзинць эсь моронцты „Трактористть моронза“.

Тефня шудихть Шада лаца, Касыхть велеса Колхост. Панжи эряфсь Марлюкс саца, Сембя васттня

Сокай тракторсь. Лямбя кизось. Келькса паксять шобдава, Мзярда манись педи эзозт, Кода мази мокшава!

* * *

Коллективизациять ётаманц мархта вишкста ётни классовай тюремась. Кулаксь низельгефнесынь веры пеензон, сон плхтай колхозонь перетнень, калдаснень эса, шави активистт. Я. Пинясовсь тяфта морасы тянь эсь моронц эса:

Кужоть фталга, Шяйхнень алга. Шуди сиянь Лундан вець. Лунданть тейса, Кальхнень алга Петрань Тихонть Сафоль пец,

Тихонць ашу. Сон эрек вийса тюрьсь кулакнень каршес и сяс соннь шавозь. Но аф шавови марстонь касы вийсь. Тихононь ялганза азозь тяннь соннь маманцты:

Минь соннь ялганза; Сембя — ашуфтам, Ня кулакненди Пес аф шавофтам. Кулакть юронзон Марнек сязсайнек, Трудяй сокайхнень Колхозс сявсайнек.

Пинясовсь сатышкаста няфнесы тяниень пинкть „Кафта розь паксят“, „озем паксяти“, „кастам“ и лият.

* * *

Тяфтажа сатышкаста няфнесазь тяниень пинкть, классовай тюремать эсь мороснон эса Васькинць и Макуловсь. Синь станяжа аф ащихть ширеса тяниень пингонь тефнень эзда.

* * *

Сембя ли азф? Аф, аф сембя. Минь тяса няфтийнек миннь морайнеконь классовай шамаснон, синнь политическай ширеснон. И эряви азомс што синь ащихть тяниень пингонь киса. Синнь моросна аф геворкшни мази панчфненди, мази стирьхненди. Синь эсь мороснон мархта тюрихть ся задачатнень ингса, конатнень путнесынь миннь ингольнек партиясь. Синь тюрихть велеть социалистическайкс одукс тиеманц инкса, соннь культурнай ширенц касфтоманц инкса.

Улихть-ли аф сатыкст? Аф сатыкст улихть Миннь морайнекя нингя изезь сат сёрмадынь техникать станя, кодаба сон эряволь сатомс, ниньгя изезь тонад литературнай эрявикс ширетнень. Но, вд, минь аньцек тонафнетяма, минь аньцек пуропнесаськ литературанеськонь.

Сембя сёрмадыхня, Безбородофта, Фролофта башка пяк отт. Синь сёрмадомаснон ушедомась 1930-31 кизось. Кона пингть эзда мокшонь газетась пуц инь оцю вий перьфканза литературнай цятконятнень пуроптомаснон инкса. Сон вельмофтезя тяда инголя кулоф тевть и васенця сатфкссь тя сборникть нолдамац.

Тяса аш кода аф азомс мокшонь литературнай секциять руководителенц колга Белов ялгать, кона оцюста лезць мокшонь литературань васень аськолкснень пуроптомаснонды, а станя жа и тя васенця сборник нолдаманцты.

Васенцесь тийф... Сембя мокшонь трудяй вийхнень задачасна тюремс ня асколкснень инь оцюста касфтомаснон, вишкоптемаснон инкса!

Л. Бажанов.

Саранскош.