| Алда трактористка // сборник Одонь вайгяль; автор: Макулов Л. Ф.; 1932. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 10—12 |
|
| << Тракторист (мора) << | >> Комсомолсь сьоронь шачемать инькса >> |
|
Исяк рана, Зарянь Шовор, Теень паксяв Молемс савсь. Ся парава Паравозокс Тракторсь Оземь паксяв сась. Трактористкась Вию, кяца Тракторть руленц Эса кирць. Ламос ванонь Мон ся шири Ашезь содав — Кие стирьсь. Одонь седись Ашезь кирьде: — Эрька молян Сяда малав, Ванца, ванца Трактористкать Штоба оду Содамс ялан. Кодак шаштонь Тракторть малас Крвязсь Седиезя толкс. Ой! Те ванта Ванькань Алдась — Шумбрат, Алда! — Шумбрат тонць! — Кода эрьсят Азк, стирь ялгай? Мзярда арать Трактористкакс? Кода ащи Шумбра шице — Азонтк тейне Педа пес. — Эрян лац И пяк шумбраста, Тракторть руленц Кирьцан нарьдста. Пара мяльса Мон од вийса, Видян сокан Паксять эса. Тунда тяштфтень Мон ударнайкс Мянь се пинькти Прокс ловть прамс Штоба Сталинтть Валонц лаца Лие странатьнень Инголдамс Парат цьорась, Леня ялгай, Тейть пяк лама Саволь корхтамс. Нейсак тоньцке, Видем ланга, Аяш пиньге Ламо корхнемс. — Виде валце, Алду, виде Эрь Шумбраста Сокак, видек! Нейса тевти Кундать нарьдста Молят партиять Кигя. |
| 1932 к. |
| << Тракторист (мора) << | >> Комсомолсь сьоронь шачемать инькса >> |
| Сборник Одонь вайгяль; автор: Макулов Л. Ф.; 1933. | |