| Сась пе сокати // сборник Одонь вайгяль; автор: Макулов Л. Ф.; 1929. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 7—8 |
|
| << «Гайняк гайняк...» << | >> Тракторист (мора) >> |
|
Сась пе сокати. — Сокась аварьди Фтала латала, Кархча марть ала, Кува аварьди, Кува кольгеньди — Эсь азорнянцты, Сияк пенецяй. — Тон мес йордамайть, Йофси кадомайть, Уштомс пеньгяньди Монь анокламайть? Али монь ашель Тоньдить парозе. Али эздон мольсь Пара мяльняця? — Соксень модацень Пара мяльняса, — Эзон кярьмотькшнеть Пуворьф кядьняса. — Кулхцонт, соканяй, Шуфтонь керяткяй; Мес мон йордахтень, Йофси кадыхтень Одста тазатольхть Монь кядь виене Таргайть лафтунень Машфтыть виезень. Соксить модазень — Колсить сьорозень Пялес вачеда Кирьнить семьязень. Курмоськаса мон Витьцень сьороня, — Мельган кочсекшнезь Паксянь нармоттне. Тята пеняця, Шуфтонь соканяй; Йотась времаце, Шемонь польцяняй! Тяни соксетям Плукса—тракторса, Сьора витьцетям Од машинаса. Ваймясть лафтунькя Пчкясть кяденькя Шачсть минь сьоронькя Топоцть семьянькя. |
| 1929 киза |
| << «Гайняк гайняк...» << | >> Тракторист (мора) >> |
| Сборник Одонь вайгяль; автор: Макулов Л. Ф.; 1933. | |