| Удок, левкскем!, автор: Дурнов В. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 177—178 | |
| << Сёксень чи (Бабин) << | >> Сёксь (Кириллов) >> |
|
В. ДУРНОВ
УДОК, ЛЕВКСКЕМ! Удок, левкскем, удок тякам! Моро теть моран. Кода мон тонть покшсто касттан, Вадря седейс пран. Вадря цёракс, вадря трякакс, Тонть эйсэ кастан. Покшсто касат, ломанькс лисят — Учильняв макстан. Кода тон учильняв яказь, Тонадат парсте, Мон сестэ, левкскем, уш молян Сыре пингесэ... Тон кармат монь эйсэ трямо, Ваномо мелем... Удок, левкскем, иля пижне, Конитя сельтнень. Мон якан ламо ней мельгат, Ламо мелявтан, Кода покшсто касат, левкскем, Монь илямак кат. Весе, мезе ули вием Мон пуца тонеть. Кунсолумака, цёрынем, Сельминеть конить. Кемсисьмее иень ютазь Арат вадря превс, Ламо виень, мелень путозь, Кундат паро тевс. Тонгак кармат роботамо — Комсомолс соват, Истя, тякай, эйсэть вана Тонавты ават... Удок левкскем, удок тякам, Моро теть моран. Кода мон тонть покшсто касттан Вадря седейс пран. Ней те шкане аздат мелявкст — Вишкине порат. Удок парсте, карвот арасть... Мезеяк аздат. ★
|
| << Сёксень чи (Бабин) << | >> Сёксь (Кириллов) >> |
| «Удок, левкскем», автор: Дурнов В. // сборник Васень сятк. Эрзянь морот ды ёвтнимат. — 1929. | |