| Ашо килейне, автор: Бабиков А. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 158—159 | |
| << Ковсь — Октябрь << | >> Од веле (В. Архипов) >> |
|
АШО КИЛЕЙНЕ
Мазыйстэ аштить, Ашо килейне, Кудрявсто аштить Кизэнь шкастонзо. Кода ульнить тон Кудря-цёкосот, Пиже палясот, Ашо сэрьнесэть. Ламо ваксозот Тетерьть маньшекшнить, Весёла морот Тонеть морсекшнэсть. Састь экше шкатне, Састь чопуда веть; Варминесь пуви, Кежейстэ вешки. Кудринеть сорныть Вешки вармадонть, Лопат каштордыть, Масторов ливтить. Принетькак нолдык, Ашо килейне, Ваксозот а сыть Мазы од тейтерьть. Алот а морыть Велева морот, Алот а кортыть, Мазы кудрядот. Остаткадо мон Варштан лангозот, Кодамо ульнить Мезекс кадовить. ★
|
| << Ковсь — Октябрь << | >> Од веле (В. Архипов) >> |
| «Ашо килейне», автор: Бабиков А. // сборник Васень сятк. Эрзянь морот ды ёвтнимат. — 1929. | |