| Иляк покурда тиринь тетинеть, автор: Ильин Ф. К. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 90—91 | |
| << Теле << | >> Марянь заботазо >> |
|
Азё, эеднем, Азё, цёрынем, Ялгинеть марто Мазый флаг ало. Ютак велева, Проулкинева, Келей кинева, Покш ульцинева. Иляк бездоля Эсить мелинеть, Иляк покурда Тиринь тетинеть. Самай се шкастонть Кода шачтытень, Самай се шкастонть, Кода кастытень, Чиряз бандатне Маштызь тетинеть, Довакс пиштеме Кадызь авинеть. Ультя, цёрынем, Тетять кондямо, Тонат, эеднем, Беднойть жалямо. Течи топоцть тонть Кемень иинеть, Течи чи валдось Лемстэ вастынзеть. Течи празнувить Бедной ломатне, Течи мазыйстэ Палыть плакатнэ. Азё, цёрынем, Тонгак флак ало Ютак велеванть Ялгинеть марто. |
| << Теле << | >> Марянь заботазо >> |
| «Иляк покурда тиринь тетинеть», автор: Ильин Ф. К. // сборник Васень сятк. Эрзянь морот ды ёвтнимат. — 1929. | |