| Ташто койсэ эри Гара, автор: Григошин Я. П. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 67—68 | |
| << Розесь кенерсь << | >> Завоцо роботыця >> |
|
ТАШТО КОЙСЭ ЭРИ ГАРА
Истя яла эрьсесь Гара, Сонзэ койсэ яла паро: Чикорць кизна крандазозо, Лагорць тунда изамозо, Чиремсь-келемсь сокинезэ, Мендявсь жестекс пелюмазо. Истя яла эрьсесь Гара, Сонзэ койсэ яла паро. Тупор-тапор алашазо, Таз-луз поцо од вашозо, Одартомо покш скалозо, Кенде пекине вазозо. Истя яла эрьсесь Гара, Сонзэ койсэ яла паро. Паксяв моли роботамо Нужа-горя неи ламо. Ёрцы видьменть — цют валясы, Моданть унжакс поксарясы. Истя яла эрьсесь Гара, Сонзэ койсэ яла паро. |