| Кузницясо, автор: Григошин Я. П. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 66—67 | |
| << Думсек лац тон, ялгинекай << | >> Розесь кенерсь >> |
|
КУЗНИЦЯСО
Олдунькань раужо чамазо, Сельмензэ суликакс цильдердыть. Кежейстэ урнокшны горназо, Пелевес мехензэ чикордыть. Горнанзо бокасо Олдунькась Юхаезь пувсесы псинть, Стакасто кепедезь молоткась Верьгеди якстере кшнить. Лиси горнастонть сабанось, Сорновцы масторонь мештенть, Прымода-мештентень сюрось, Учи сон пиземе чинть. Масторось мештензэ ладясы, Модынесь видьминенть потявцы, Чи валдось сэрензэ мелявцы, Варминесь рунгонзо тарновцы, Кепедик, Олдунька, молоткат, Моравтозь вачкодик кшнинть, — Бойкасто урновтык горнанть, Бойкасто пувика псинть. |