| Мазый тундось сась, автор: Григошин Я. П. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 64 | |
| << Тейтерень од моро << | >> Чикор-лагор эрямонок >> |
|
МАЗЫЙ ТУНДОСЬ САСЬ
Мазый тундось сась, лембе тундось сась. Ашо руцянзо телесь каизе. Менель ёжосто чи валдыне прась, Мастор чаманть сон сиякс валызе. Сэнь покш панарокс сравтовсь менелесь, Ордакш ломанекс талны телинесь. Талны телинесь, жалны велинесь, Тундонь мелявкскеть яла мелявты. Идим дигатне, идим уткатне Менель ёжосо чи-ве гикакснить. Коцтонь стан экшсэ эрзянь аватне Эрзянь морынеть парсте ильцявтнить. Мазый тундось сась, лембе тундось сась, Ашо руцянзо телесь каизе. Менель ёжосто чи валдыне прась Мастор чаманть сон сиякс валызе. |