| Пастухонь арьсимат, автор: Радаев В. К. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 29—30 | |
| << Виде ки ланксо << | >> Велень промкс >> |
|
Мон шачинь-касынь Скалонь стада юткс. Ютксост Мон эринь Прок модасо сукс. Эзимизь тонавт Школав якамо, Эзимизь ютавт Валдо киява. Туинь кудосто Вачо читнеде, Лытынь кува понксь Пек ламо иеть. Косто-косто чи, Косто — ламояк, Эзинь никсе кше — Аштинь вачояк. Истя ютась монь Од паро порам, Прок варма ливтясь Монь од цёракс шкам. Ней кода варштан Од эйкакшнэ ланкс, Откстуман весе, Тееван ломанькс. Весе тонавтнить, Кинигат ловныть, Эсист эрямонть Од лацо строить. Мон ней пастухан, Стада удалан, Кецэнь букварьне — Монгак тонавтнян. Телесь сы, монгак Молян ликбезэв, Тосто уш неса Кинть од эрямов. |
| << Виде ки ланксо << | >> Велень промкс >> |
| «Пастухонь арьсимат», автор: Радаев В. К. // сборник Васень сятк. Эрзянь морот ды ёвтнимат. — 1929. | |