ВЕЛЕ Эх, веле, веле, велине. Кувакат, сравтозь аштят. Ульцятне эзгат кичкереть, Кудотне чирьстэ аштить, Косо-косо покш курынеть, Мазый кальть эзгат касыть. Улить сат, мазый пиринеть, Кудряв килейнеть касыть, Прясост кизна мазый морот Озяскеть, цёковт морыть. Пек мазыйнестэ зоринесь Кизэнь валське тееви, Эйстэть пек дружна народось Паксяв састыне сырьги. Пастухоськак стаданть мельга Састо, састыне сырьги. Народось сралесь паксяванть Мельсэ робутас кундась. Пастухось стаданзо мельга Алов прянь нолдазь моли, Лавтовонзо трокс кувака Локшо мельганзо уски. Пастухокс эрямо-чиденть Пек стакасто сон думси, Ламо яксесь стаданть мельга, Ламо думнэть сон думась. Пувазевсь ванькстэ варминесь, Чись сонзэ ланкскак варштась, Пастухось стаданть удалдо Урны трактор ланкс озась.