| Од коев // сборник Пурьгинень зэрть; автор: Артур Моро; 1930, февраль. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 42—44 | |
| << Васень май << | >> Чикаго ош >> |
|
Парыть скалтнэ, Цяхить лишметне, Керьнить сараст, Цирнить тувот, Онги кискадонть Тандацть реветне, Вейсэ батракт Сроить кудот. Велень советс Пурнавсть беднойтне, — Видимадонть Псистэ кортыть. Школанть вакссо Сятордыть пойтне, Пеень сускозь Кулакт потыть. Пеень сускозь, Пекень сювордазь, Подол кепедезь. Повонь нолдазь — Чиить кулакт Узерьс баксордазь, Виевстэ турезь, Овтокс потазь. Овтось виев Трудицясь соды: „Кежей пек сон” — Ломать кортыть. Бедной овтнэнь Кшнинь килькш ней коды, Тракторсо батрак Овтнэнь сявты. Куломс чавсызь, Тапасызь овтнэнь — Вейс пурнавозь Батракт, беднойть. Паронь теемс, Ютавтомс ковтнэнь — Велесь улевель Кшнинь-сталень жойт. Молемс паксяв — Аволь уль межа, Неемс комбайн — Модань луты, Трудицяськак Уливель свежа Од пингентень Кода юты. Видемс паксясь Паро видьмесэ, Агрономось Кода мери. Шканть ланкс ваномс Валдо сельмесэ, Содамс Кода велесь эри. Содамс седе: Кулакось маштомс Коллективсэ — Сон проконь клас! Велесь индустрияв Кеместэ шаштомс, Пекстамс церькуват, А кадомс пас! Лисемс паксяв, Моравольть нармунть Сэнь менельсэнть Стальстэ теезь, Од ломаньсэ Ракавольть гармунть, Пингесь улель Сиякс неемс. |
| Февраль. 1930 ие. |
| << Васень май << | >> Чикаго ош >> |
| Сборник Пурьгинень зэрть; автор: Артур Моро; 1931. | |