| Меельцекс ве (поэма) // сборник Моронть ушотксозо; автор: Вечканов, С. Е.; 1933. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 41—50 |
|
| << Маяковской поэтэнть марто кортамо << | >> Кищи, кищи >> |
|
(поэма) | ||
| ||
|
Арась вий удомо Шониннэнь Те вестэ Апак сока гектарт Сонзэ пря поцонзо. Озы эли яки Думи пландо. Паро прядомс сонзэ Шкадо икеле. Покш тевесь — — Крута пандо... Акадови пуло пес Коркиева велесь! Кадык ютасть уш колмо чить А ули кадозь Вейкеяк гектар! Единоличниктне Парсте сокить. Колхойсэ алашатне, трактортнэ Парт. I
„Течень весь — Меельсь ве. Планось валскенень Улезэ прядозь.” Велестэ лись Тратортнэнь парадось, Тракторист вакссо Шонин — икеле. „Шонин, тон минек командирэнэк, Эй ветяка! Меельсь бойс — Меельсь бойс, Минек ветяка!” II
Сэтьме чокшнэ, (Сэть ветне) Гармунянь вальгей Бригаданть мельга. Содавиця моросо Отвечить эйдтне, Эцек моронтень, Эцек — кельгат. Жойни, жойни Селнов морось: (Эрьва трактористэсь Вечксы сонзэ пек) „Монь ялгам, Ялгам тракторось. Дай капшек, Капшек, капшек. Моли бойс, Моли бойс, Эх, трактортнэнь Парадось. Валске рапорт Кучтано колхойс. „Планонок — прядозь”! III
Тундонь менелесь Сятков, сятков Тештне цимболдыть, Менеленть пурксить. Виренть алов А свети ковось, Чоподасонть Чувтнэ нувсить. Раужо виресь Чатмони те вестэнть, Косо бути вармась Уды сэтьстэ. Раужосто Менелев венстявсть чувтт. Виресь кунсолы Мотортнэнь увт. Виренть чирес Кирвайсть тол пандя, Чопуданть нолси Толонь келесь. Маласонзо тарадт, (Буто ландясь) Раужо шальсэ Вельтизе весь. Толдонть а васоло Крандастнэ ащить Тракторонь крандастнэ Прок вагон. Паксянть велькссэ Тештне кищить, Паксясь неи Чаркодевиця он. IV
Паксясь келей, Паксясь кувака, Велькссэнзэ Плисовой чоподась. Ковонь валдо, Менель, пувака! Неят чоподасонть Лепштязь модась.... Стакасто лексезь Молить трактортнэ Паксянть Чаманзо ланга. Изниця моро Морыть мотортнэ, — Прок бойстэ Изниця танкат. Прожектортнэнь светэсь Тенси чоподанть, Трактортнэ молить Вицтэ, вицтэ. Парсте судрявить Кудрянзо борозданть, Прок понавкст пикссэ. Чевстэ мадить Потмозост, Сынст ярцамкаст Анельксызь варматне. Ламо шачить Стакат зернат.... Колхоз ялгат,.. Сюро пурнат! V
Арась вий удомс Тевестэнть. Бригаданть марто Сонензэ паро. Весе кундасть Тевентень кеместэ, Секс Истямо весела, Сон. Седеезэ Кенярды Паксянь моронтень. Морось Максозь Советэнь Народонтень. Якак моро Колхозонь паксява, Колхозонь паксясь Тонь ават! VI
Моли кудов Вирь чирева, Веселасто Сон эськели, Шонин а соды Пазт ды мезть, Врагодояк Сон а пели. Мейсь пелемс, Кода сынь арасть?... Бути вастат Вирень зверть. Кулактнэ бороздас Пекест ланкс прасть... Кедьсэст човазь Кавто узерть Стясть. Мельганзо. Комадо, комадо, Мельганзо...комадо... Молить А вирень кавто зверть... Кедьсэст човань Кавто узерть. Шонин стувтыньзе Кудос спицканзо, А мейсэ кирвастемс Вечкевиця пипканзо. Вирь чиресэ Палы тол пандясь, Чоподанть нолси Толонь келесь Маласонзо тарадт Буто ландясть. Раужо шальсэ Вельтизе весь. Тарадтнэнь удало Ащить комадо, Кавто зверть — Кавто кулакт, Кусткенть удало, Кедьсэст Кавто Човань узерть. Шонин кармась Сятконь кепедеме Ды ах—х..... Шонин эзь кенерь ......... Улить ломать Вирень зверде зверть... Шонинэнь керизь Кавто узерть. Нардызь узерест Ды салава тусть. Састо нувси Раужо виресь. Толонть алов Чуди вересь, Лымби чопода Шальсэнзэ весь. Ащи кусткесь; Буто ландясь, Раужо шальсэ Вельтизе весь. А свети, а свети Тол—пандясь, Чоподанть анолси Толонь келесь. VII
Мастор чирестэ Свети чись, Моросо валнови Валдо кись. Сы трактортнэнь Парадось, Моры: „Планонок — прядозь”! „Интер”, „Интер” Виде тонть кить! * * *
Керсезь телантьКудов ускить. Верьде псистэ Свети чись, Менелень чиренть Кали. Стака трактортнэнь Кудов кист: „Вы Жертвою пали” | ||
1933 ие |
| << Маяковской поэтэнть марто кортамо << | >> Кищи, кищи >> |
| Сборник Моронть ушотксозо; автор: Вечканов, С. Е.; 1933. | |