| Остатка папирос // сборник Моронть ушотксозо; автор: Вечканов, С. Е.; 1933. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 26—30 |
|
| << Колхозницань моро << | >> Телень ве >> |
|
1
Лембе чопудась Ливтнесь велькссэнек, Уш гармониясь Эзь мора. Лоткась. Акуш а кашось Умок велесэнэк, Чись умок Менельстэ прась. Удыть, удыть. Весе удость. Атякштнэ моравтызь Сэтьме пелевенть. Остаткадо жойнесь Минек морось, Остаткадо нолдык Велева вальгееть. 2
Ковось валнось Валдосонзо килейтнень. Весь лембесэнзэ Лексесь мештесэнэк. Повнян орчинь Брюкон келейтнень, Садга остаткадо Пейдезь ютынек. Садга паро, Вай, паро гуляямось, Да эщо чулговат Тейтерьс парос... Кургстонок кольцясо Лиссь ашо качамось... Килей ало таргинек Остатка папирос. Прощамонь туртов Буто эрявсь таргамс, Минь больше эсь прянок Эзинек нее. Истямо жо весела Туить служамо Родной Армияс Якстере. 3
„Минь эщо нейтяно!!! Эськанок нейдяно... Ну, ялгам, Прощай, Сераш!”; Мон аварьдеме Ульнинь анок. „Ульть шумбра! Шумбра! ульть Паш!” Прощамонь туртов Буто эрявсь таргамо, Ды больше эськанок Эзинек нее. Туить Якстере Армияв служамо, Мон — институтов Тонавтнеме. 4
Мон течи Серма получинь, Сельведь марто Ловноманзо савсь... Поздоровт, ялгай, Пельдеть учинь... Соракаць верем... Прязом каявсь. Моры вальмало Апак мелявт вармась, Верде менельстэнть Ловнэтне прыть. Столь лангсо икелень Ашти сермась, Сельведен... сельведен Лангозонзо прыть. Ой, менель Ой, менельне, Тон чись Истя жо свети. Ансяк монь, вана, Поцон кельме... Седеем алов пеель Буто эци. Содан, содан, Мезень кис примик. Врагонь пулянть Минь а стувсынек. 5
„Война? Война? Война?! Мекев ули Война?!” Да! Да!! Да!!! „Ах!.. Ах!!... Ах!!!...” Трах! Тра-а-х!!. Тра-а-а-х!!!.. Эй, пролетарийть! Эй, пролетарийть!! Весе вайгельсэнь Сеерян; Минек лангс пурнавсть Капиталонь вийть, Порохонь чине Течи марян. Кеместэ кирдть Винтовканть, Пролетарий! Чи валгума енов Сельтнень Минь вийть! Минь вий!! Октябрянь толсо Калинек седейтнень! Вана мештем! Мон анок!! Мон морыця — — Армеец якстере. Вейсэ, вейсэ, Винтовкат сайдяно! Розовойгалек туримань Знамя якстере! Кеместэ кирдть Винтовканть! Пролетарий! Чи валгума енов Сельтнень Минь вий! Минь вий!! Октябрянь толсо Калинек седейтнень! |
| << Колхозницань моро << | >> Телень ве >> |
| Сборник Моронть ушотксозо; автор: Вечканов, С. Е.; 1933. | |