| Какинань ялгатненень // сборник Моронть ушотксозо; автор: Вечканов, С. Е.; 1932. | Мордовская библиотека |
Книга: Серафим Вечканов. Моронть ушотксозо (стихт). — МорГИЗ, 1933, Саранск. — с. 17—19 |
|
| << Валцке << | >> Туволевкст >> |
|
Чокшнесь новольсь вальманть Вельксэс, Вармась моры Вальмало. Эрямом чуди чудикерьксэкс, Светсэнть эринь Эщо аламо. Иеть иеть, Эйстэнк аламо, Зняро Рудазов Ки лангт ютазь, Сельмсэн ульнесь Раужо качамо — — Эрямонь раужо, Равжо шкась. Иля грозя Варма, — Морак монтемень, Иля терде Тееме чоподат тевть. Сэтьме церынекс Мон теевинь, Зепсэнь а кантлян Прянь порксыця кевть. Иля мора морот монень варма. Ташто Шачума таркадон. Стувтовозенть Кисэ Ризнамо карман, — — Атень туртов Шачтазян мон. Менельганть састо Уи ковось, Састо менельганть кевери Лець мелезэнь Одюжам Нолговось, Кенжень ланксо Сиень вересь! .... Лецьть мелезэнь Сиень стадатне, Конат Прок вирьга — Якасть пряван. Пиземеде Мейле Качадыть Розатне! Эрямось ялгат Течи лия вант! О, ялгат Вейке велень, Родной Паксянь Од сокицят. Тыненк, Тыненк Ливтить Мелень, Василеконь Сэньсэ Тветицят! |
1932 ие. |
| << Валцке << | >> Туволевкст >> |
| Сборник Моронть ушотксозо; автор: Вечканов, С. Е.; 1933. | |