| Авай, дружинатнень лангс вант // сборник Васень цвет; автор: Прончатов, И. Н.; 1939. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 38—40 |
|
| << Токнок Испаниянь седей << | + |
|
Повнят, авай? Тонеть ве шкане Цёрат те таркасонть ёвтась: Сынь молить... соды эрьвась ней — Остатка пе врагонтень сась. Варштак: мелявксонь апак кандт Молить фронтов сыреть, одт свал. Авай, дружинатьнень лангс вант: Сынь морыть Интернационал! Келей рядтнэс кемекстазь, вейсэ Молить, апак новолькста прянть Пурьгеньксэв, толов редутов. Дружинава ломатне честьсэть. Пурнась сынст вейке идеал! Авай, дружинатнень лангс вант: Сынь морыть Интернационал! А неят, штобу улест пештязь Кедест макто. Ней сынст таркас Сыреждить якстере тешкстнэ Лыйниця, изнявксонь флагкаст. Те — гербт, конатне тердить вейкес — Олячинь пек покш идеалс. Авай, дружинатнень вант нейке: Сынь морыть Интернационал! Эно мезть, зорякс якстере Венстик пацянть, авольдазь — ильтьсыть. Куть кись тов молемс таргавсь берянь — Иля мелявто! мекев сыть сынь. Зярдо фашистнэде ванськавтсызь Пельксэнть, кона минекель свал. Зярс архиепископонть правтсызь, Машты остатка генерал. Авай, дружинатнень лангс вант: Сынь морыть инцернационал! Кадык толпандясост паксянок! Нуеманть кисэ иля ризнэ. Тень кис мартонок эйкакшт анокт Пултамс масторсо деспотизманть, Сибаритнэнь кежксэв тевест, Весе грантнэнь, синьерытнэнь Ды эсинек нужав читьнень! Пандя эрямс сельведень валозь! Паньсынек фашистнэнь калмов, Косто сыненст мекев а стямо. Рядтнэва боецтнэ ламо. Покш стенатне вийдест прыть. Авай, дружинатнень лангс вант: Интернационалонть сынь морыть! Вант, андалузонь сокицянзо, Северьянт, ды эрьва пельде Эстрамадуронь од церанзо — Войнань палы толсо лемдезть, Боецт, гражданскоень гвардеецт, Конат прок кшнить горнасо палсть, — Весень вейкес бажить седеест, Вейке мельтнесэ идеал: Оля Испания теемс, Генералт калмов панемс! Сынст пелькс арась, сельмезэст вант, Кода арась пелима левенть. Содан, алкуксонь сынь солдатт Кеме эськельдявксонь ды тевень. Те — вечкима масторонь виесь. Те — сонсь народось! Полк икеле Неят, авай, вакска эскели Од цёра. Кедьсэнзэ лыйни Знамясь. Зорянь струясо налкси Алой чаманзо эзга валскесь. Сонсь статуя прок. Но бути Сон пры идем ордотьнень кедьте Морот эйстэдензэ народось Рангсты, конань кандсызь пингетне Конибалтнэнь эйсэ сюдозь. ..... Сон а стувтови, кода вал. Авай, дружинатнень лангс вант: Сынь морыть Интернационал! |
| << Токнок Испаниянь седей << | + |
| Сборник Васень цвет; автор: Прончатов, И. Н.; 1939. | |