| Работак и тонафнек // сборник Эряфсь панжи; автор: Пинясов Я. М.; 1931. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 64—65 |
|
| << Вал — Владимир Маяковскайти << | >> Ошу >> |
|
Йордак тяряй Мушка сялькцень, Йордак кштирьцень, — лапацень. Эрь илядня колма Часткат, Содак школав Самацень. Лама киза, Лама тяла, Козянь мушкнень Кштирьнекшнийть; Тялонь ветнень, Апак удок, Нужань няезь Йотафнийть. Лама мушка Тяряй кштирькшнеть, Лама нилеть Мушконь пуль. Вестькя школав Изеть яка, Марстонь пуромкса Изеть уль. Кулька, тяряй, Пинге лоткамс, Пинге нувамать Кирьфтамс; Сяда кемя кяца Тондейть, Книгась эряви Кундамс. 1931 к |
| << Вал — Владимир Маяковскайти << | >> Ошу >> |
| Сборник Эряфсь панжи; автор: Пинясов Я. М.; 1933. | |