Книгати // сборник Эряфсь панжи; автор: Пинясов Я. М.; 1931, октябрь. Мордовская библиотека

Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 59—60


<< Пилендама завоца << >> Вал — Владимир Маяковскайти >>
КНИГАТИ.
Тялонь вармась
Кельме порфса,
Рощать ширеста
Уфай.
Оцю стирьхть
и сире ават,
Тонафнема васцта
Сайхть.
Ковнясь кеняньдезьня
Ваны,
Мянь ичкизи
Максы цильф,
Акша ловнясь
Авань слеца
Школать маласта
Ульсь кяльф.
Валцта тяштенятне
Ваныхть,
Катонь сельмокс
Пиндолдыхть,
Йолма дуця пакшкя
Фталу,
Шуроняста чопафнихть.
Лешаф кельмось
Якай, шаяй,
Школать маласа
Дивай.
Мес пяк тяфта
Мокша авась,
Книгас кельгомга
Кундай.
Кимголмува
Киза фталу,
Кода мяляфнеса
Мон.
Кельмя куца
Вальмя ала
Мокша авась
Стась запон.
Тяни сяда
Тёждя эряфсь
Шинь кучкада
Няендян стайхть;
А илядть мянь
Вехкса часткас,
Мешекс школаса
Унайхть...

Октябрь 1931 к
<< Пилендама завоца << >> Вал — Владимир Маяковскайти >>
Сборник Эряфсь панжи; автор: Пинясов Я. М.; 1933.

Последнее обновление страницы: 2016.06.12
На главную