| Розень нумста // сборник Эряфсь панжи; автор: Пинясов Я. М.; 1932, июль. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 50—51 |
|
| << Кафта розь паксят << | >> Машань мяленза >> |
|
Паксясь тюжя Суманенц щазе, Комсесь пяшксе Прянят розсь. Тяни тарвазонь Ронкть юкстазе, Нуй ни жнейкаса Колхозсь. Колхозть эзда Оцю лентакс, Паксять шири Таргавсь кись. Струна лаца Валдонц нолясь, Псиста пиди Кизонь шись. Тефне лакайхть Пара мяльса, Кеняньф эряфсь Тейнек сась... Жнейка морак Сталень кяльса, Большевиконь Тя нумась. Косот тяни Эчкя пекне, Коса лимоньсюну „Шкайсь”. Синьфтемоста Лакайхть тефне, Касы марстонь Урожайсь... Эй! Ударникт!! Аф сиземс! Вельфкя йотамс Макссеф плантть, Штоба афольхцень Начфт пиземсь, Марамс сембе Пулфнень марс. Июль 1932 к. |
| << Кафта розь паксят << | >> Машань мяленза >> |
| Сборник Эряфсь панжи; автор: Пинясов Я. М.; 1933. | |