Коммунист, тракторть ланкса // сборник Эряфсь панжи; автор: Пинясов Я. М.; 1933. Мордовская библиотека

Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 31—32


<< Ков валца << >> Темпнень инкса >>
КОММУНИСТ, ТРАКТОРТЬ ЛАНКСА.
Якстерь заря йоткова
Рана тундань пингова,
Ванясь сокай тракторса,
Эсь колхозонь паксява.
* * *
Кулевсь веленяти парста
Сокась Ваня тракторисць, —
„Эй тон арнек серай лишме,
Тячи лангсот коммунист”.
* * *
Стака шида лама няенць,
Козянь тефнень ваннезень,
Соксесь паксяса кулакти,
Стака тефнень каннезень.
* * *
Венза уленьчнесть нюрьхкянят
Тефне тиенць оцюфт, пархт,
Удомс соння изезь кадонд —
„Сьтяк тон тува! Паксяв арх-хт”.
* * *
Ванять модац соньцень ашель.
Аньцек виец соньцень ульсь,
„Ух тон Ваня! Нола тува!”
Лама валда тяфта кульсь.
* * *
Сисемксть агодяк кулакти,
Шить и веть работак стак,
Равжа валса эсот анды —
„Ух! Тон матьфою!.. Батрак...”
* * *
Тяни сокак серай лишме,
Мази вайгяльса увнак,
Тапак, синнек сире сокать
Классокс тапак тон кулакть.
<< Ков валца << >> Темпнень инкса >>
Сборник Эряфсь панжи; автор: Пинясов Я. М.; 1933.

Последнее обновление страницы: 2016.06.05
На главную