| Сиде моронят // сборник Эряфсь панжи; автор: Пинясов Я. М.; 1933. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 19—20 |
|
| << Тундань тише << | >> Луга >> |
|
Саты гайфтемс пайкнень эса, Апак гайфтенгя „кульхтям”. Очижинь перьф плугать песа Минь ударникокс ульхтям. * * * Минь колхозникне аф пельхтям, Што кяжияви козянь шкайсь, Марстонь виде кигя кяльхтям Касы марса урожайсь. * * * Улемя шовдат лама киза Алнят, вайнят каннемя, Мольмя кархчу, моргу кигя Попонь пекнень аннемя. * * * Саты ярхцсесь эчке попсь, Кельгондезе оцю-шить. Тяни видемс трудяень копсь Трудяйс музе виде кить. Ох, гармошканязе морак. Тарксийть сиянь мэхнень, Курок паксяванок норак Цильфцайнек лемехнень. * * * Машфцаськ сязьфкснень Паксянь тевса. Минь ударникокс ульхтям, Курок тага Коллективса. Летьке модать видетям. * * * Машфцаськ лимонь-сюну праздникть, Аф кулхцондомс Тейнек попне, Рана сьора видетяма Кода корхтайть Тейнек агронопне. * * * Мес пяк валцта Шинясь ваны, Менельсь морякс Сенеми. Тага минне Тячи—ванды, Паксявненеське келеми. * * * Тага гармошказя Морак, Морада тинь Басне. Курок машфцайнек Минь, норак, Сире пиньгень класснень. |
| << Тундань тише << | >> Луга >> |
| Сборник Эряфсь панжи; автор: Пинясов Я. М.; 1933. | |