| Илять // сборник Эряфсь панжи; автор: Пинясов Я. М.; 1933. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 11—13 |
|
| << Тунда << | >> Тундати >> |
|
Шинясь алу нолдась струна касат. Сире бабакс шанкси шобда весь. Каркнайхть чавкат сире церькавть пряса, — ванды эчкя цеконь очижись. Церькавть ваксса тошксихть „шкаень сараст”,*) — велень клубса палыхть валда толхт. Ох! нароць-ни кода тяни арась, бта мярьгат сембе комсомолхт! ............. Валда лампась кодась цильфонь кесак, озафт—ваныхть кеняндезь нароц. Сире нярхне шарондыхть церькавть тейса, а клубть эса панжозь панжи оць. Комсомолхне налхкондыхть пиеса, кода йотай пинкнень тапсевсь копсь. А манашкань шайкась кельять эса, йотксост шары эчкя пекя попсь. „Ох!.. И эряф... эряф од эряф... Ков дят варжа, минне кинеськ перяф.”, — Пилес тошксесь шаржу каса попсь. Клубонь потмось гайнясь одонь валса: — Ванды рана паксяв лисема. Сире ункснень синдемс одонь мяльса, одонь мяльса тейнек улема. Штобу зорналь паксясь тракторть ала, паксясь марстонь мороса нюряль. |
| *) Монашкат↩ |
| << Тунда << | >> Тундати >> |
| Сборник Эряфсь панжи; автор: Пинясов Я. М.; 1933. | |